Հայաստանում այս տարի կշարունակուի բնական աղէտների
կանխարգելմանն ուղղուած միջոցառումների ծրագրի ինրականացումը
15-04-2009 18:56:00 | Հայաստան | Տնտեսութիւն
ԵՐԵՎԱՆ, 15 ԱՊՐԻԼԻ, ՆՈՅԵԱՆ ՏԱՊԱՆ: Հայաստանի
Գիւղատնտեսութեան նախարարութիւնն այս տարի շարունակելու է
իրականացնել բնական աղէտների կանխարգելմանն ուղղուած միջոցառումների
ծրագիր, որի համար պետբիւջէից յատկացուել է 1 մլրդ 140 մլն դրամ
(մօտ 3 մլն 40 հազ. ամն դոլար): Ինչպէս ապրիլի 15-ի ասուլիսում
յայտնեց գիւղատնտեսութեան փոխնախարար Սամուէլ Գալստեանը,
հակահեղեղային միջոցառումներ կանցկացուեն Ազատ, Վեդի, Արաքս եւ
Դեբետ գետերի ափամերձ տարածքներում:
Մաքրման եւ ափապաշտպան կառոյցների վերականգնումից բացի
կմաքրվեն Արաքս գետի հովտի Եղեգնավան եւ Ուրցաձոր համայնքներին
հարող հատուածները, կամրացուեն Վեդի գետի հունի աւելի քան 13 կմ
ափերը: Սելավաջրերի հոսքերը մեղմելու նպատակով կկառուցուեն նաեւ
պատնեշներ:
Ըստ Ս.Գալստեանի, առաջիկայում հակակարկտային կայանների
տեղակայման աշխատանքներ կիրականացուեն Արարատի մարզում: Նախատեսւում
է այստեղ տեղակայել 12 կայաններ: