Հայաստանի ԿԲ-ն թողարկել է «Երկվորյակներ» ոսկէ յուշադրամը
25-03-2009 19:20:00 | Հայաստան | Տնտեսութիւն
ԵՐԵՎԱՆ, 25 ՄԱՐՏԻ, ՆՈՅԵԱՆ ՏԱՊԱՆ: ՀՀ Կենտրոնական բանկը
«Կենդանակերպի նշաններ» միջազգային դրամագիտական ծրագրի շրջանակում
թողարկել է երկվորյակների պատկերով ոսկէ յուշադրամ: Ծրագրով
թողարկվում են կենդանակերպի տասներկու նշաններով յուշադրամներ:
Ըստ ՀՀ ԿԲ Հասարակայնութեան հետ կապերի ծառայութեան,
յուշադրամի դիմերեսի կենտրոնում պատկերուած է ՀՀ զինանշանը, որից
ներքեւ, շրջանագծով, հայերէն եւ անգլերէն անուանական արժէքի
մակագրությունն է` «DRAM 10000 ԴՐԱՄ»: Զինանշանից վերեւ նշուած է
թողարկման տարեթիւը` «2009»: Ամբողջը եզերված է գծավոր շրջանագծով:
Շրջանագծի եւ եզրաշուրթի միջեւ առկայ է երկրորդ գծավոր շրջանագիծը:
Երկու շրջանագծերի միջեւ դաշտը բաժանուած է տասներկու հաւասար
մասերի, որոնցում պատկերուած են կենդանակերպի նշանների
խորհրդանիշերը: Եզրաշուրթի մօտ, վերեւում` հայերէն, իսկ ներքեւում`
անգլերէն, շրջանագծով մակագրուած է, համապատասխանաբար, «ՀԱՅԱՍՏԱՆԻ
ՀԱՆՐԱՊԵՏՈՒԹԻՒՆ» եւ «REPUBLIC OF ARMENIA»:
Յուշադրամի դարձերեսի կենտրոնում, աստղային երկնքի ֆոնի վրայ
երկվորյակների պատկերն է: Ներքեւի աջ մասում պատկերուած է
երկվորյակների կենդանակերպի նշանի խորհրդանիշը: Ամբողջը եզերված է
գծավոր շրջանագծով: Շրջանագծի եւ եզրաշուրթի միջեւ, վերեւում`
լատիներէն, իսկ ներքեւում` ռուսերէն, նշուած է համաստեղութեան
անուանումը համապատասխանաբար, «GEMINI» եւ «ԲԼԻԶՆԵՑԻ»:
Յուշադրամը երկու կողմից, շրջանագծով, ուռուցիկ եզրաշուրթ է:
Յուշադրամի դարձերեսի դաշտի ձեւաւորման համար օգտագործուել են
գունաւոր ներկեր: Յուշադրամի ուրվագծերի հեղինակն է Ու. Վալեժակը:
Այն դրվագվել է Լեհաստանի դրամահատարանում:
Յուշադրամի անուանական արժէքը 10 000 դրամ է, մետաղը` ոսկի,
հարգը` 900, զանգվածը` 8,6գ, տրամագիծը` 22 մմ, որակը` լավացված,
դրամաշուրթը` ատամնաւոր, տպաքանակը` մինչեւ 10 000 հատ: