Գեղարուեստական խորհուրդը չի կարող թատրոն ղեկավարել,- գտնում
է Երուանդ Ղազանչեանը
23-03-2009 16:56:00 | Հայաստան | Մշակոյթ
ԵՐԵՎԱՆ, 23 ՄԱՐՏԻ, ՆՈՅԵԱՆ ՏԱՊԱՆ: Օպերայի եւ բալետի
ակադեմիական թատրոնը աւելի քան մէկ տարի է աշխատում է առանց
գեղարուեստական ղեկավարի: Ինչպէս մարտի 23-ի ասուլիսում վստահեցրեց
թատրոնի տնօրէն Կամո Յովհաննիսեանը, իրենք ոչ մի խնդիրներ չեն
ունեցել, աշխատել են բնականոն եւ ծանրաբեռնուած: Նրա խօսքերով,
այսօր ինքը միաձնյա չի ղեկավարում թատրոնը: «Մենք ունենք
գեղարուեստական խորհուրդ, որի անդամներից իւրաքանչիւրը կարող է
գեղարուեստական ղեկավար լինել»,- ասաց Կ.Յովհաննիսեանը:
Սակայն, Հ.Պարոնեանի անուան թատրոնի գեղարուեստական ղեկավար
Երուանդ Ղազանչեանի կարծիքով, «որեւէ թատրոն առանց գեղարուեստական
ղեկավարի չի կարող ապրել»: Ըստ նրա, թէեւ օպերային թատրոնում մեծ
գործեր են բեմադրւում, սակայն հեռանկարային խաղացանկի եւ ազգային
խաղաթատրոնի իմաստով անհրաժեշտ է գեղարուեստական ղեկավար ունենալ:
«Գեղարուեստական ղեկավար նշանակում է խաղացանկի ընդհանուր սկզբունք
եւ դավանանք: Ութ, տաս հոգանոց գեղարուեստական խորհուրդը չի կարող
թատրոն ղեկավարել»,- գտնում է Ե.Ղազանչեանը:
Իսկ ընդհանրապես մշակոյթի, այդ թւում օպերային թատրոնի
զարգացման համար Կ.Յովհաննիսեանի գնահատմամբ, անհրաժեշտ են լաւ
պայմաններ եւ բաւարար ֆինանսաւկորում: Ըստ նրա, չնայած վերջին
տարիներին աճել են պետական ֆինանսաւորման ծաւալները, սակայն դրանք
բաւարար չեն օպերային թատրոնի զարգացման, ստեղծագործական
առաջընթացի համար: Այդ առումով, ըստ Կ.Յովհաննիսեանի, օպերային
թատրոնի ստեղծագործական կազմը այսօր անում է անհնարինը: