Ըստ Գուրգէն Սարգսեյանի, Իրան-Հայաստան երկաթուղու կառուցման
ծրագրով հետաքրքված է նաեւ Ասիական զարգացման բանկը
16-02-2009 20:06:00 | Հայաստան | Տնտեսութիւն
ԵՐԵՎԱՆ, 16 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ընդունելով փետրուարի
16-ին Ասիական զարգացման բանկի Կենտրոնական եւ արեւմտյան
դեպարտամենտի տրանսպորտի եւ կապի բաժնի տնօրէն Հոնգ Վանգին,
Հայաստանի տրանսպորտի եւ կապի նախարար Գուրգէն Սարգսեանն ընդգծել է
Հիւսիս-հարաւ աւտոճանապարհային միջանցքի կառուցման
կարեւորութիւնը, որը բացի Հայաստան-Վրաստան աւտոտրանսպորտային
կապից կապահովի տարանցիկ բեռնափոխադրումներ:
Ըստ նախարարի մամուլի քարտուղար Սուսաննա Տոնոյանի,
անդրադառնալով Իրան-Հայաստան երկաթուղու կառուցման
հնարաւորութիւններին, Գ.Սարգսեանը նշել է, որ այդ ծրագրով
հետաքրքված է նաեւ Ասիական զարգացման բանկը:
Ըստ Հ.Վանգի, Հիւսիս-հարաւ միջանցքի կառուցման տեխնիկական
ուսումնասիրութիւնն ընդգրկուած է Ասիական զարգացման բանկի 2009թ.-ի
ծրագրերում, եւ այդ նպատակով բանկն արդէն յայտարարել է 1 մլն ԱՄՆ
դոլարի դրամաշնորհի տրամադրման մասին: Նա յայտնեց, որ ներկայումս
ամփոփւում են ծրագրի խորհրդատուի ընտրութեան համար յայտարարուած
մրցոյթի արդիւնքները: Խորհրդատուն աշխատանքները կսկսի ապրիլի
երկրորդ կէսից: Ինչ վերաբերում է միջանցքի շինարարութեան
ֆինանսաւորմանը, ապա բանկի ներկայացուցիչն առաջարկեց այն
իրականացնել բազմափուլային տարբերակով: