Ըստ նախարարի, Մշակոյթի նախարարութիւնում անհրաժեշտ է
ձեւաւորել տեսչական մարմին
03-02-2009 20:12:00 | Հայաստան | Մշակոյթ
ԵՐԵՎԱՆ, 3 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայաստանի Մշակոյթի
նախարարութեան գործունէութիւնը 2008թ.-ին նպատակաուղղվել է ՀՀ
կառավարութեան 2008-2012թթ.-ի գործունէութեան ծրագրով նախանշված
հիմնական խնդիրների լուծմանը: Այս մասին փետրուարի 2-ին ՀՀ
վարչապետին ներկայացուած տարեկան հաշուետւութիւնում յայտնեց նախարար
Յասմիկ Պողոսեանը:
Վարչապետին ներկայացնելով ոլորտում առկայ խնդիրները,
Հ.Պողոսեանը նշեց, որ մշակոյթային ոլորտում նկատւում է ոչ
պրոֆեսիոնալ կադրերի ներհոսք, լուծուած չէ նաեւ ոլորտի կադրերի
պատրաստման եւ վերապատրաստման հարցը: Ըստ նրա, այդ ուղղութեամբ
անհրաժեշտ է մշակել համալիր ծրագիր:
Հ.Պողոսեանը տեղեկացրեց, որ մշակոյթային արժէքների
վերականգնման հարցում նույնպես առկայ են խնդիրներ, եւ դրանց լուծման
ուղղութեամբ քննարկումներ են ընթանում: Նախարարութիւնն
աշխատանքներ է տանում, որպէսզի մշակոյթի օջախներում վաճառւող
տոմսերի իրական թիւը հաշվառվի եւ հարկային մարմինները
հնարաւորութիւն ունենան ֆիքսել իրական եկամուտները: Այդ նպատակով
մշակոյթի օջախներում կներդրուի տոմսերի վաճառքի էլեկտրոնային
ծրագիր:
Հ.Պողոսեանը նշեց նաեւ, որ նախարարութեան կազմում առաջնահերթ
անհրաժեշտ է ձեւաւորել տեսչական մարմին: