Վ. ՊՈՒՏԻՆ. ԿՈՍՈՎՈՆ ՆԱԽԱԴԷՊ ԿԴԱՌՆԱՅ ԱՊՀ ՀԱԿԱՄԱՐՏՈՒԹԻՒՆՆԵՐԻ
ԿԱՐԳԱՒՈՐՄԱՆ ՀԱՄԱՐ
22-01-2007 20:54:00 | Ռուսաստան | Միջազգային
ՄՈՍԿՈՒԱ, 22 ՅՈՒՆՎԱՐԻ, ՆՈՅԵԱՆ ՏԱՊԱՆ: Ռուսաստանի նախագահ
Վլադիմիր Պուտինը մէկ անգամ եւս յայտարարել է, որ Կոսովոյի խնդիրը
ունիվերսալ բնոյթ ունի եւ պէտք է նախադէպ դառնայ ԱՊՀ տարածքի
նոյնանման հակամարտութիւնների կարգաւորման համար,- հաղորդում է
«Նովոստի» գործակալութիւնը: Վլադիմիր Պուտինն այս
յայտարարութիւնն արել է յունվարի 21-ին ԳԴՀ կանցլեր Անգելա
Մերկելի հետ համատեղ մամլոյ ասուլիսի ժամանակ: Ըստ Պուտինի, եթէ
մենք շրջանցում ենք տարածքային ամբողջականութեան սկզբունքը եւ
ասում. «դե ինչ, այդպէս է ստացուել» եւ միջազգային հանրութիւնը
ոչինչ չի ցանկանում անել, որպէսզի վերականգնի Սերբիայի տարածքային
ամբողջականութիւնը, այդ ժամանակ միւս ազգերն էլ իրաւունք ունեն
ասելու. «մենք եւս կիսում ենք այդ մօտեցումը»: Ըստ նրա, Կոսովոյի
խնդրի լուծման հանդէպ մօտեցումը պէտք է լինի հաւասարակշռուած: