ՀԱՅ ԲՌՆՑՔԱՄԱՐՏԻԿՆԵՐԸ ԾԱՂԿԱՁՈՐԵԱՆ ՀԱՒԱՔՈՒՄ ԿԲԱՐԵԼԱՎԵՆ ԻՐԵՆՑ
ԸՆԴՀԱՆՈՒՐ ՖԻԶՊԱՏՐԱՍՏԱԿԱՆՈՒԹՅՈՒՆԸ
10-01-2007 17:36:00 | Հայաստան | Սպորտ
ԵՐԵՎԱՆ, 10 ՅՈՒՆՎԱՐԻ, ՆՈՅԵԱՆ ՏԱՊԱՆ: Բռնցքամարտի Հայաստանի
ազգային եւ երիտասարդական հաւաքականների այս տարուայ առաջին
ուսումնամարզական հաւաքը կսկսուի յունվարի 22-ից` Ծաղկաձորի
օլիմպիական մարզահանգրուանում: Հաւաքին կմասնակցեն կաշուե ձեռնոցի 34
վարպետներ: Այս մասին «ՆՈՅԵԱՆ ՏԱՊԱՆ»-ի թղթակցին յայտնեց մարզաձեւի
հանրապետական ֆեդերացիայի գլխաւոր քարտուղար, ՀՀ վաստակաւոր
մարզիչ, միջազգային կարգի մրցավար Լեւոն Յովհաննիսեանը:
Ըստ նրա, Ծաղկաձորեան հաւաքում շեշտը կդրուի նրանց ընդհանուր
ֆիզպատրաստականության բարելաւման վրայ: Այնուհետեւ հաւաքականների
անդամները տեխնիկատակտիկական յատկանիշների կատարելագործման
նպատակով պարապմունքները կշարունակեն Արարատ քաղաքի «Այգ»
մարզաբազայում: