2006 Թ.-Ի ՅՈՒՆՈՒԱՐ-ՆՈՅԵՄԲԵՐԻՆ ՀՀ ԳԻՒՂԱՏՆՏԵՍՈՒԹԵԱՆ ՀԱՄԱԽԱՌՆ
ԱՐՏԱԴՐԱՆՔԸ ՆԱԽՈՐԴ ՏԱՐՈՒԱՅ ՆՈՅՆ ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ 0,2%-ՈՎ
ԱՃԵԼ Է
10-01-2007 13:56:00 | Հայաստան | Տնտեսութիւն
ԵՐԵՎԱՆ, 10 ՅՈՒՆՎԱՐԻ, ՆՈՅԵԱՆ ՏԱՊԱՆ: ՀՀ գիւղատնտեսութեան
համախառն արտադրանքը 2006թ.-ի յունուար-նոյեմբերին, ընթացիկ գներով,
կազմել է 493,3 մլրդ դրամ (մօտ 1 մլրդ 172 մլն ԱՄՆ դոլար) եւ
0,2%-ով գերազանցել 2005թ.-ի նոյն ժամանակաշրջանի մակարդակը: ՀՀ
Ազգային վիճակագրական ծառայութեան տուեալներով, 2006թ.-ի նոյեմբերին
գիւղատնտեսութեան համախառն արտադրանքը, համադրելի գներով,
հոկտեմբերի համեմատ աճել է 5,2%-ով:
2006թ.-ի 11 ամիսներին անասնաբուծութեան համախառն արտադրանքը
կազմել է 168 մլրդ 89,7 մլն դրամ, ինչը 9%-ով աւելի է 2005թ.-ի
նոյն ժամանակաշրջանի ցուցանիշից, իսկ բուսաբուծութեան համախառն
արտադրանքը կազմել է 325 մլրդ 199,7 մլն դրամ, կամ 3,8%-ով պակաս:
Անասնաբուծական հիմնական մթերքի արտադրութեան ծաւալները,
բացառութեամբ ձուի, աւելացել են: Անասունի եւ թռչնի մսի
արտադրութեան ծաւալը գերազանցել է 2005թ.-ի նոյն ժամանակաշրջանի
մակարդակը 16,2 հազ. տոննայով կամ 19,3%-ով, կաթինը` 27,8 հազ.
տոննայով կամ 4,8 %-ով:
2006թ.-ի յունուար-նոյեմբերին իրականացուել է 2 մլրդ 370,8 մլն
դրամի ձկան որս, ինչը գերազանցել է 2005թ.-ի նոյն ժամանակաշրջանի
մակարդակը 47%-ով: