Ստամբուլի երաժշտական խմբերը համերգային ծրագրով հանդէս կգան
Երեւանում եւ Վանաձորում
10-12-2008 16:38:00 | Հայաստան | Մշակոյթ
ԵՐԵՎԱՆ, 10 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Դեկտեմբերի 12-13-ին
Երեւանում եւ Վանաձորում համատեղ համերգային ծրագրով հանդէս կգան
Ստամբուլի «Քարդեշ թյուրքյուլեր» («Եղբայր երգեր») երաժշտական
խումբը եւ «Սայաթ Նովա» հայկական երգչախումբը: Ինչպէս դեկտեմբերի
10-ի ասուլիսում յայտնեց «Սայաթ Նովա» խմբի անդամ Գայուշ
Չալիքմա-Գավրիլովը, «Քարդեշ թյուրքյուլեր»-ի երգացանկում
հիմնականում ընդգրկուած են հայկական, թուրքական, քրդական
ժողովրդական երգեր: Հայկական երգերից խումբը կկատարի «Մշոյ աղջիկ»,
«Քանի վուր ջանիմ» եւ այլ երգեր:
Նշուեց նաեւ, որ «Քարդեշ թյուրքյուլեր»-ը ստեղծուել է 15 տարի
առաջ` իրար հետ պատերազմող երկրների ժողովուրդների միջեւ
բարեկամական, եղբայրական յարաբերութիւնների բարելաւմանը նպաստելու
առաքելութեամբ: