Սիրիայում աւարտուել են հայկական մշակոյթի շաբաթուայ
միջոցառումները
02-12-2008 19:46:00 | | Մշակոյթ
ՀԱԼԵՊ, 2 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Սիրիայում Հայաստանի
մշակոյթի օրերի շրջանակում դեկտեմբերի 1-ին Հալեպում ցուցադրվել է
ունեցել Երեւանի Յովհաննէս Թումանյանի անուան պետական տիկնիկային
թատրոնի «Հենց էն Հուռին» ներկայացումը: Նոյն օրը Հալեպի
մշակոյթի կենտրոնում տեղի է ունեցել վաստակաւոր կոլեկտիւ
Հայաստանի պարի պետական անսամբլի եզրափակիչ համերգը:
Հալեպում այդ միջոցառումներով աւարտուել է հայկական մշակոյթի
շաբաթը Սիրիայում:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ ԱԳՆ Մամուլի եւ
տեղեկատուութեան վարչութիւնից, հայկական մշակոյթի օրերի ընթացքում
Սիրիայի հասարակութիւնը ծանօթացել է հայ թատերական արուեստին,
պարարվեստին, կինոարուեստին, նաեւ Մատենադարանի հայկական ձեռագրերին
եւ հին հայկական ու Հայաստանում պահւող արաբական դրամների
նմուշներին: Միջոցառումները լայնօրէն լուսաբանուել են Սիրիայի
մամուլում եւ հեռուստատեսութեամբ: