2008 Թ.-Ի ՅՈՒՆՈՒԱՐ-ՀՈԿՏԵՄԲԵՐԻՆ ՆԱԽՈՐԴ ՏԱՐՈՒԱՅ ՆՈՅՆ
ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ ՀՀ ՊԵՏՊԱՐՏՔԻ ՍՊԱՍԱՐԿՄԱՆ ԾԱԽՍԵՐԸ 16,4%-ՈՎ
ԱՃԵԼ ԵՆ
27-11-2008 20:08:00 | Հայաստան | Տնտեսութիւն
ԵՐԵՎԱՆ, 27 ՆՈՅԵՄԲԵՐԻ, ՆՈՅԵԱՆ ՏԱՊԱՆ: 2008թ.-ի
յունուար-հոկտեմբերին ՀՀ պետբիւջէի միջոցների հաշուին կատարուել են
614,2 մլրդ դրամի (աւելի քան 2 մլրդ 8,1 մլն դոլար) ծախսեր, որոնք
կազմել են կառավարութեան բիւջէտային ծախսերի տարեկան ծրագրի
77,2%-ը: Մասնաւորապէս, 520,5 մլրդ դրամ կազմել են ընթացիկ
ծախսերը, 93,7 մլրդ դրամ` ոչ ֆինանսական ակտիւների հետ
գործառնութիւնները: Ըստ ՀՀ Ֆինանսների նախարարութեան լրատուական
ծառայութեան, ծախսերի կատարողականի վրայ նվազեցնող ազդեցութիւն է
գործել ոչ ֆինանսական ակտիւների գծով ծախսերի համեմատաբար ցածր
ցուցանիշը, որը կազմել է 68,6%: 2007թ.-ի նոյն ժամանակահատուածի
համեմատ պետբիւջէի ծախսերն աւելացել են 25,4%-ով կամ 124,5 մլրդ
դրամով:
Այս տարուայ յունուար-հոկտեմբերին կատարուել են 520,5 մլրդ դրամ
ընթացիկ ծախսեր, կամ տարեկան ծրագրի 78,9%-ը: Ընթացիկ ծախսերից
45,1 մլրդ դրամն ուղղուել է պետական հիմնարկների աշխատողների
աշխատավարձերի վճարմանը (տարեկան ծրագրի 75,6%-ը): Պարտադիր
սոցիալական ապահովութեան վճարների գծով տրամադրվել է 3,8 մլրդ
դրամ, կամ տարեկան ծրագրային ցուցանիշի 73,1%-ը: Ծառայութիւնների
եւ ապրանքների ձեռքբերման նպատակով պետբիւջէից տրամադրվել է 103
մլրդ դրամ, ինչը կազմել է տարեկան ծրագրի 74%-ը:
Նշուած ժամանակահատուածում 9,5 մլրդ դրամ է յատկացուել պետական
պարտքի սպասարկմանը (տարեկան ծրագրի 82%-ը): Մասնաւորապէս, նշուած
գումարից 6,7 մլրդ դրամ տրամադրվել է ներքին, 2,8 մլրդ դրամ`
արտաքին պարտքի սպասարկմանը, որոնք կազմել են տարեկան ծրագրի,
համապատասխանաբար, 83,1%-ը եւ 79,4%-ը: 2007թ.-ի նոյն
ժամանակահատուածի համեմատ պետական պարտքի սպասարկման ծախսերն աճել
են 16,4%-ով` հիմնականում պայմանաւորուած ներքին պետական պարտքի
սպասարկման ծախսերի աճով:
2008թ.-ի յունուար-հոկտեմբերին պետբիւջէից տրամադրվել են
շուրջ 18,9 մլրդ դրամ սուբսիդիաներ, ինչով ապահովել է տարեկան
ծրագրի 85% կատարումը: