ԲԵՌԼԻՆ, 15 ՅՈՒՆՎԱՐԻ, ՆՈՅԵԱՆ ՏԱՊԱՆ: Գերմանացի գիտնականները
բացայայտել են Մոնա Լիզայի անձը, գրում է «Թելեգրաֆ» թերթը:
Ինչպէս գրում է թերթը, գերմանական Հայդելբերգի համալսարանի
գիտնականները պնդում են, որ 500-ամեայ վաղեմութեան անընթեռնելի
գրառումները, որ արուած են Լեոնարդո դա Վինչիի բարեկամ Ագոստինո
Վեսպուչիի գրքի լուսանցքներում, վկայում են, որ դա Վինչիի նկարում
պատկերուած կինը Լիզա Գերարդինին է` ֆլորենտացի վաճառականի կինը:
Գիրքը յայտնաբերուել է համալսարանական գրադարանում:
«Մոնա Լիզայի անձի վերաբերեալ բոլոր կասկածները վերացուած են
գտածոյի օգնութեամբ»,- նշել են Հայդելբերգի գրադարանի
ներկայացուցիչները: