ՍՈՒՐԲ ՍԱՐԳՍԻ ՏՈՆԻ ԱՌԹԻՒ ՅԱՅՏԱՐԱՐՈՒԱԾ ՍԻՐՈՅ ԻՐԱԿԱՆ
ՊԱՏՄՈՒԹՅՈՒՆՆԵՐԻ ՄՐՑՈՅԹԻ ՀԱՄԱՐ ԱՐԴԷՆ ՍՏԱՑՈՒԵԼ Է 100-ԻՑ ԱՒԵԼԻ
ՊԱՏՄՈՒԱԾՔՆԵՐԻ ՅԱՅՏ
14-01-2008 17:35:00 | Հայաստան | Հասարակութիւն
ԵՐԵՎԱՆ, 14 ՅՈՒՆՎԱՐԻ, ՆՈՅԵԱՆ ՏԱՊԱՆ: Երիտասարդների եւ սիրոյ
բարեխոս Ս.Սարգսի` յունվարի 21-ին կայանալիք տոնի առթիւ Արարատեան
հայրապետական թեմը յայտարարել է սիրոյ իրական պատմությունների եւ
պատմուածքների մրցոյթ երեք թեմաներով` «Ս.Սարգիս` մեր սիրոյ
բարեխոս», «Ս.Սարգիս` մեր ամուր ընտանիքի բարեխոս» եւ «Ս.Սարգիս`
ամուր ընտանիք, ամուր հայրենիք»: Ինչպէս «ՆՈՅԵԱՆ ՏԱՊԱՆ»-ի թղթակցին
յայտնեցին Արարատեան հայրապետական թեմի մամլոյ դիւանից, արդէն
ստացուել են 100-ից աւելի պատմուածքների ու սիրոյ պատմությունների
յայտեր: Դրանք մանրկրկիտ կընթեցվեն կազմակերպիչների կողմից եւ
իւրաքանչիւր թեմայի համար կընտրուի լաւագոյն աշխատանքը: Յիշեալ 3
թեմաների համար սահմանուել են դրամական պարգեւներ,
համապատասխանաբար, 150, 100 եւ 50 հազար դրամի չափով: Իսկ
լաւագոյն աշխատանքները կտպագրուեն «Շողակն Արարատեան» Արարատեան
հայրապետական թեմի պաշտօնաթերթում:
Բացի իրական սիրոյ պատմութիւններից եւ պատմուածքներից,
Արարատեան հայրապետական թեմը յայտարարել է նաեւ նոյն թեմաներով
նկարչական եւ ֆոտոռեպորտաժների մրցոյթներ, որոնց համար եւս
սահմանուած են դրամական պարգեւներ: Յայտերի ընդունման վերջին
ժամկէտը յունվարի 17-ն է:
Ս.Սարգիս տոնին նուիրուած տոնակատարությունները յունվարի 21-ին
կեզրափակվեն Ալ.Սպենդիարեանի անուան օպերայի եւ բալետի ազգային
ակադեմիական թատրոնում կայանալիք տօնական մեծ համերգով: Իսկ
համերգից երկու ժամ առաջ թատրոնի նախասրահում կկազմակերպուի
ֆոտոռեպորտաժների եւ նկարչութեան մրցոյթների քսան լաւագոյն
աշխատանքների ցուցահանդէս-վաճառք: Աւելի ուշ` համերգի աւարտին,
կհայտարարուեն մրցոյթների յաղթողների անունները, նրանց կյանձնուեն
դրամական պարգեւներն ու տոնը խորհրդանշող մրցանակները: