ԵՐԵՒԱՆՈՒՄ ԿԿԱՅԱՆԱՆ ԱՇԽԱՐՀԱՀՌՉԱԿ ԴԱՇՆԱԿԱՀԱՐ ԲՈՐԻՍ
ԲԵՐԵԶՈՎՍԿՈՒ ՀԱՄԵՐԳՆԵՐԸ
19-12-2007 17:25:00 | Հայաստան | Մշակոյթ
ԵՐԵՎԱՆ, 19 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Հայ երաժշտական
ինֆորմացիոն կենտրոնի նախաձեռնած «21-ի հեռանկարներ» 8-րդ
երաժշտական միջազգային փառատոնի շրջանակներում դեկտեմբերի 19-ին
«Արամ Խաչատրեան» համերգասրահում կկայանայ աշխարհահռչակ դաշնակահար
Բորիս Բերեզովսկու համերգը: Հայաստանի պետական ֆիլհարմոնիկ
նուագախմբի նուագակցութեամբ համերգին կհնչեն Արամ Խաչատրեանի
«Դաշնամուրային կոնցերտը» եւ «Երկրորդ սիմֆոնիան»:
Ինչպէս համերգից առաջ կայացած ասուլիսում յայտնեց փառատոնի
նախագահ, կոմպոզիտոր Ստեփան Ռոստոմեանը, դեկտեմբերի 20-ին
Ալ.Սպենդիարեանի անուան օպերայի եւ բալետի ազգային ակադեմիական
թատրոնում կկայանայ դաշնակահարի երկրորդ համերգը, որի ժամանակ
Բ.Բերեզովսկին կկատարի Շոպենի ստեղծագործությունները:
«Մենք երախտապարտ ենք Բ.Բերեզովսկուն, քանի որ նա Արամ
Խաչատրեանի ստեղծագործությունների լաւագոյն կատարողներից մէկն է,
իսկ վերջերս նրա կատարմամբ ձայնագրուել է կոմպոզիտորի
«Դաշնամուրային կոնցերտը»,- նշեց Ս.Ռոստոմեանը:
Բ.Բերեզովսկու խօսքերով, իր համար մեծ պատիւ է կատարել
Խաչատրեանի գործերը: Բացի դրանից, դաշնակահարը սիրով է կատարում
Աւետ Տերտերյանի եւ Կոմիտասի ստեղծագործությունները: «Ի դէեպ,
երաժիշտների մեծ մասին յայտնի չէր, որ Ա.Խաչատրեանը ունի
«Դաշնամուրային կոնցերտ»: Ինձ համար նույնպես անակնկալ էր, եւ
ցավում եմ, որ խորհրդային տարիներին այդ ստեղծագործութիւնը երբեւէ
չի հնչել: Մինչդեռ 1960-ականներին Ա.Խաչատրեանի գործերը, այդ թւում
կոնցերտը, մեծ ճանաչում են ունեցել Եվրոպայում»,- ասաց ռուս
դաշնակահարը:
Նշենք, որ Բ.Բերեզովսկու համերգը այս տարի վերջինն է «21-ի
հեռանկարներ» միջազգային փառատոնի շրջանակներում: