ՌՈՒՍԱՍՏԱՆԸ ՊԱՇՏՕՆԱՊԷՍ ՄԱԿ-Ի ԱԽ-Ի ՔՆՆԱՐԿՄԱՆՆ Է ՆԵՐԿԱՅԱՑՐԵԼ
ԿՈՍՈՎՈՅԻ ՎԵՐԱԲԵՐԵԱԼ ՅԱՅՏԱՐԱՐՈՒԹԵՅԱՆ ՆԱԽԱԳԻԾ
13-12-2007 18:40:00 | ԱՄՆ | Միջազգային
ՆՅՈՒ ԵՈՐՔ, 13 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Ռուսական
պատուիրակութիւնը պաշտօնապէս ՄԱԿ-ի Անվտանգութեան խորհրդի
քննարկմանն է ներկայացրել Կոսովոյի վերաբերեալ յայտարարութեյան
նախագիծ: Այս մասին, ինչպէս հաղորդում է ԻՏԱՌ-ՏԱՍՍ-ը, Խորհրդում
կոնսուլտացիաների աւարտից յետոյ յայտարարել է ընթացիկ ամսին նրա
նախագահ Մարսելլո Սպատաֆորան:
«Կոնսուլտացիաների ընթացքում տուեալ հարցի վերաբերեալ ռուսական
դիրքորոշման պարզաբանմամբ հանդէս եկաւ Ռուսաստանի մշտական
ներկայացուցիչ Վիտալի Չուրկինը»,- նշել է նա: Խորհրդի անդամները
կարծիքներ են փոխանակել առաջարկուած նախագծի վերաբերեալ, սակայն
լայն քննարկում չի եղել, աւելացրել է Սպատաֆորան:
Նա հաստատել է նաեւ, որ Խորհուրդը ծրագրում է կոսովեան հարցը
քննարկել դեկտեմբերի 19-ին:
ԴԱՍ. ՀԱՅԵՐԵՆ 
Հայերեն
Русский
English
French