ՊՈԴՄՈՍԿՈՎԻԷՈՒՄ ԾԵԾԻ ԵՆ ԵՆԹԱՐԿՈՒԵԼ ՉԻՆԱՍՏԱՆԻ 16 ՔԱՂԱՔԱՑԻՆԵՐ
11-12-2007 16:17:00 | Ռուսաստան | Միջազգային
ՄՈՍԿՈՒԱ, 11 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Պոդմոսկովիէում ծեծի են
ենթարկուել Չինաստանի 16 քաղաքացիներ: Այս մասին, ինչպէս հաղոդրում
է ԻՏԱՌ-ՏԱՍՍ-ը, յայտնել են Մոսկուայի մարզի իրավապահ մարմիններում:
Նախօրէին մօտ 20 տարեկան գրեթէ 30 երիտասարդներ` զինուած փայտե
մականներով, ռետինէ մահակներով, մետաղէ ձողերով, ներխուժել են
Վոլոկոլամսկի Տիտովի փողոցում գտնուող օժանդակ տարածք: Նրանք ծեծել
են Չինաստանի քաղաքացի բանուորներին, որից յետոյ թաքնվել:
Չորս տուժածներ տեղափոխուել են հիւանդանոց, եւս 12-ին
բուժօգնութիւն է ցոյց տրուել տեղում:
Իրավապահ մարմիններում նշել են, որ Չինաստանի քաղաքացիները
Մոսկուայի մարզում աշխատում էին օրինական հիմունքներով:
Յարձակման կասկածով ձերբակալուել են տեղի չորս բնակիչներ: