ՆԱՏՕ-Ի ՈՒԺԵՐԸ ԿՈՍՈՎՈՅԻ ԱՆՎՏԱՆԳՈՒԹԻՒՆԸ ԿԱՊԱՀՈՎԵՆ ԱՆԿԱԽ
ԵՐԿՐԱՄԱՍԻ ԿԱՐԳԱՎԻՃԱԿԻ ՎԵՐԱԲԵՐԵԱԼ ՈՐՈՇՈՒՄԻՑ
07-12-2007 15:40:00 | | Միջազգային
ԲՐԻՒՍԷԼ, 7 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: ՆԱՏՕ-ի ուժերը
կապահովեն Կոսովոյի անվտանգութիւնը անկախ երկրամասի կարգավիճակի
վերաբերեալ որոշումից: Այսպիսի պայմանաւորուածութիւն է ձեռք բերուել
Եւրոատլանտեան ընթրիքի` ՆԱՏՕ-ի եւ ԵՄ երկրների ԱԳՆ ղեկավարների ոչ
պաշտօնական հանդիպման ընթացքում, որն անցկացուել է դեկտեմբերի 7-ին
աշխատանքն սկսող նախարարական մակարդակով ՆԱՏՕ-ի Խորհրդի նիստի
նախօրէին:
Ինչպէս այդ հանդիպման արդիւնքների առնչութեամբ յայտարարել է
Բելգիայի ԱԳՆ ղեկավար Կարել դե Գյուխտը, հանդիպման ժամանակ
քննարկուել է միջազգային հարցերի լայն շրջանակ, ներառեալ Կոսովոյի
եւ Աֆղանստանի իրադրութիւնը, ինչպէս նաեւ Իրանի շուրջ ստեղծուած
իրավիճակը:
Ըստ նրա, նախարարները նաեւ համաձայնել են, որ հիմքեր չկան
Իրանի վրայ ճնշման քաղաքականութիւնը փոխելու համար` հիմնուելով այս
շաբաթ հրապարակուած ԱՄՆ-ի հետախուզութեան զեկոյցի վրայ: Այդ
փաստաթղթի համաձայն, Իրանը շատ աւելի քիչ հնարաւորութիւններ ունի
միջուկային զէնք ստեղծելու համար, քան ենթադրւում էր նախապէս: