ԱՄՆ-Ն ՉԻ ՀՐԱԺԱՐՈՒԻ ԵՎՐՈՊԱՅՈՒՄ ՀՀՊ ՏԵՂԱԿԱՅՄԱՆ ԾՐԱԳՐԵՐԻՑ
06-12-2007 18:10:00 | ԱՄՆ | Միջազգային
ՎԱՇԻՆԳՏՈՆ, 6 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ն չի հրաժարուի
Չեխիայում եւ Լեհաստանում հակահրթիռային պաշտպանութեան համակարգի
օբյեկտներ տեղակայելու իր ծրագրերից` չնայած ամերիկեան յատուկ
ծառայութիւնների վերջին զեկույցին, ուր հաւաստվում է, որ Իրանը
2003 թուականին փակել է իր ռազմական միջուկային ծրագիրը: Այս մասին,
ինչպէս հաղորդում է ԻՏԱՌ-ՏԱՍՍ-ը, յայտարարել է ԱՄՆ-ի
պետդեպարտամենտի ներկայացուցիչը:
Ինչպէս նշել է ԱՄՆ-ի պետքարտուղարի տեղակալ Ջոն Ռիդը, «ՀՀՊ
օբյեկտների ստեղծումը նպատակահարմար կլինի անկախ հնարաւոր հրթիռի
մարտական մասի տեսակից` սովորական, քիմիական, կենսաբանական, թէ
միջուկային»:
ԴԱՍ. ՀԱՅԵՐԵՆ 
Հայերեն
Русский
English
French