ՎԼԱԴԻՄԻՐ ՊՈՒՏԻՆԸ ՍՏՈՐԱԳՐԵԼ Է ՌՈՒՍԱՍՏԱՆԻ ԿՈՂՄԻՑ ԵՍԶՈՒ
ՊԱՅՄԱՆԱԳՐԻ ԳՈՐԾՈՂՈՒԹԻՒՆԸ ԿԱՍԵՑՆԵԼՈՒ ՄԱՍԻՆ ՕՐԷՆՔԸ
30-11-2007 20:35:00 | Ռուսաստան | Միջազգային
ՄՈՍԿՈՒԱ, 30 ՆՈՅԵՄԲԵՐԻ, ՆՈՅԵԱՆ ՏԱՊԱՆ: ՌԴ նախագահ Վլադիմիր
Պուտինը ստորագրել է «Եւրոպայի սովորական զինուած ուժերի մասին
պայմանագրի (ԵՍԶՈՒՊ) գործողութիւնը Ռուսաստանի Դաշնութեան կողմից
կասեցնելու մասին» դաշնապետական օրէնքը: Այս մասին, ինչպէս
հաղորդում է ԻՏԱՌ-ՏԱՍՍ-ը, տեղեկացրել է Կրեմլի մամլոյ
ծառայութիւնը:
Օրէնքը Պետդուման ընդունել էր 2007 թուականի նոյեմբերի 7-ին,
իսկ Դաշնութեան խորհուրդը դրան հաւանութիւն էր տուել 2007 թուականի
նոյեմբերի 16-ին:
Դաշնապետական օրէնքով դադարեցւում է ԵՍԶՈՒՊ գործողութիւնը,
որ ստորագրուել է Փարիզում 1990 թուականի նոյեմբերի 19-ին: