ՊԱՂԵՍՏԻՆԱ-ԻՍՐԱՅԵԼԱԿԱՆ ԲԱՆԱԿՑՈՒԹԻՒՆՆԵՐԸ ԿՎԵՐՍԿՍՈՒԵՆ
ԴԵԿՏԵՄԲԵՐԻ 12-ԻՆ
28-11-2007 18:55:00 | ԱՄՆ | Միջազգային
ԱՆՆԱՊՈԼԻՍ, 28 ՆՈՅԵՄԲԵՐԻ, ՆՈՅԵԱՆ ՏԱՊԱՆ:
Պաղեստինա-իսրայելական բանակցութիւնները կվերսկսուեն դեկտեմբերի
12-ին: Այս մասին յայտարարել են Իսրայելի վարչապետ Էհուդ Օլմերտը
եւ Պաղեստինի ինքնավարութեան ղեկավար Մահմուդ Աբբասը Աննապոլիսում
աւարտուած համաժողովի համատեղ յայտարարութեյան մէջ:
Բանակցութիւնների նպատակը, նշել են նրանք, «մինչեւ 2008 թուականի
վերջը» խաղաղ պայմանագրի կնքումն է:
«Մենք մեր վճռականութիւնն ենք յայտնում վերջ դնելու
արիւնայեղութեանը, տառապանքներին եւ մեր ժողովուրդների միջեւ
տասնամեակների հակամարտութեանը, ավետելու ազատութեան,
անվտանգութեան, արդարութեան, արժանապատվության, յարգանքի եւ
փոխադարձ ճանաչման վրայ հիմնուած խաղաղութեան նոր դարաշրջանի
մասին»,- ասւում է փաստաթղթում:
Աբբասը եւ Օլմերտը նաեւ պայմանաւորուել են իւրաքանչիւր երկու
շաբաթը մէկ շարունակել կոնսուլտացիաները` բանակցութիւնների
ընթացքը վերահսկելու եւ անհրաժեշտ ցանկացած օգնութիւն դրանց
առաջխաղացման համար առաջարկելու նպատակով: