ՀԱՅԱՍՏԱՆՑԻ ԳՐՈՍՄԱՅՍՏԵՐ ԼԵՒՈՆ ԱՐՈՆԵԱՆԸ ՄՏԵԼ Է ՇԱԽՄԱՏԻ
ԱՇԽԱՐՀԻ ԳԱՒԱԹԻ ԽԱՂԱՐԿՈՒԹԵԱՆ 2-ՐԴ ՓՈՒԼ
26-11-2007 18:15:00 | Հայաստան | Սպորտ
ԵՐԵՎԱՆ, 26 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Ռուսաստանի
Խանտիմայնսիյսկ քաղաքում նոյեմբերի 24-ին մեկնարկել է «Նոկաուտ»
մրցակարգով աշխարհի գաւաթի հերթական խաղարկութիւնը: Աշխարհի
ներկայիս գաւաթակիր Լեւոն Արոնեանը առաջին փուլի 2 պարտիաներում
յաղթեց ՖԻԴԵ-ի վարպետ, արգենտինացի Խուան Պաբլո Հոբարիկային եւ
մտաւ 2-րդ փուլ: Հայաստանի շախմատիստներից աշխարհի նախկին
փոխչեմպիոն Վլադիմիր Յակոբեանը առաջին փուլում ոչ-ոքի խաղաց
միջազգային վարպետ Անտոն Ֆիլիպովի (Ուզբեկստան), մինչեւ 20
տարեկանների 2006թ աշխարհի չեմպիոն Զաւէն Անդրիասեանը` գրոսմայստեր
Ալեքսանդր Պոնիշչուկի (ԱՄՆ), իսկ ամերիկաբնակ Վարուժան Յակոբեանը`
Միխայիլ Ռոյզի (Իսրայել) հետ: Նշուած երեք շախմատիստները հոկտեմբերի
26-ին նոյն մրցակիցների հետ կանցկացնեն արագ շախմատի լրացուցիչ
2 պարտիա: Եթէ կրկին ոչ-ոքի գրանցուի, ապա յաղթողին
որոշելու համար, մրցակարգի համաձայն, կանցկացուի կայծակնային պարտիա: