2008 ԹՈՒԱԿԱՆԻՆ ԼԵՀԱՍՏԱՆԸ ԿՍԿՍԻ ԵՎ ԿԱՒԱՐՏԻ ԻՐ ԶՕՐՔԵՐԻ
ԴՈՒՐՍԲԵՐՈՒՄԸ ԻՐԱՔԻՑ, ԲԱՅՑ ԿՄՆԱՅ ԱՖՂԱՆՍՏԱՆՈՒՄ
23-11-2007 19:46:00 | | Միջազգային
ՎԱՐՇԱՒԱ, 23 ՆՈՅԵՄԲԵՐԻ, ՆՈՅԵԱՆ ՏԱՊԱՆ: 2008 թուականին
Լեհաստանը կսկսի եւ կաւարտի իր զօրքերի դուրսբերումը Իրաքից: Այս
մասին յայտարարել է երկրի վարչապետ Դոնալդ Տուսկը:
Տուսկը աւելացրել է, որ լեհական զորակազմը Իրաքից դուրս
կբերուի դաշնակիցների հետ խորհրդակցելուց յետոյ: «Մէկ տարի անց, այս
նոյն ժամանակ, այստեղ` Սեյմում, ես ձեզ կասեմ, որ մեր
առաքելութիւնը Իրաքում աւարտուած է»,- ասել է վարչապետը:
Այդուհանդերձ, շարունակել է Տուսկը, Լեհական զօրքերի
առաքելութիւնը Աֆղանստանում «վկայում է Լեհաստանի, որպէս ՆԱՏՕ-ի
անդամ պետութեան յուսալիութեան մասին, ուստի եւ կշարունակուի»:
Տուսկը նկատել է, որ Աֆղանստանում լեհ զինվորները պայքար են մղում
թմրադեղերի արտադրութեան դէմ, որ այնտեղից փոխադրւում են ի թիւս
այլ երկրների նաեւ հենց Լեհաստան: