Ամերիկեան MTV հեռուստաալիքի Video Music Awards-ի գլխաւոր մրցանակը «Տարուայ տեսանիւթ» անուանակարգում ստացել է Քեթի Պերին` «Firework» կոմպոզիցիայի համար: Այս մասին հաղորդում է «ՌԻԱՅ Նովոստի» գործակալութիւնը: Այս տարի նա առաջադրուել է 9 անուանակարգերով եւ արդէն մի քանի անգամ ստացել է մրցանակներ: Նշենք, որ այս մրցանակի համար առաջադրուել էին նաեւ բրիտանացի երգչուհի Ադելը «Rolling in the Deep» կոմպոզիցիայով, Բրուկլինի Beastie Boys խումբը` «Make Some Noise»-ով, Բրունոյ Մարսը` «Grenade»-ով եւ Թայլեր «Արարիչը»` «Yonkers»-ով:

---