«Նորավանք». «Երկիր» միութեան գիտահետազօտական արշավախումբը ուսումնասիրութիւններ է կատարել Համշենում եւ Դերսիմում
31-08-2011 10:01:46 | Հայաստան | Հասարակութիւն
«Երկիր» միութեան «Վան» նախագծի շրջանակներում ձեւաւորուած գիտահետազօտական արշավախումբը 2011թ. յուլիսի 18-ից օգոստոսի 4-ը այցելել եւ ուսումնասիրութիւններ է կատարել Համշենի, Դերսիմի, ինչպէս նաեւ Արեւմտեան Հայաստանի մի շարք այլ բնակավայրերում:
Արշավախմբի անդամ երաժիշտները («Վան» նախագիծ» խումբ, գեղարուեստական ղեկավար` Նորայր Քարտաշեան) գիտարշաւի շրջանակներում մասնակցել են Արգոււանի երաժշտական փառատօնին (յուլիսի 24), ինչպէս նաեւ Մնձուրի բնութեան եւ մշակոյթի փառատօնին` ելոյթ ունենալով Դերսիմի Օւաջըկ (յուլիսի 29) եւ Խոզաթ (յուլիսի 30) քաղաքներում կայացած համերգներին:
Զուգահեռաբար, արշավախմբի կազմում ընդգրկուած առանձին հետազօտական խումբը, ազգագրագէտ Հրանոյշ Խառատեանի եւ արեւելագէտ Անոյշ Յովհաննիսեանի մասնակցութեամբ, դաշտային ազգագրական հետազօտութիւններ է կատարել դերսիմցիների շրջանում` հաւաքելով ազգագրական բնոյթի հարուստ նիւթ:
Արշավախմբի կողմից կատարած դաշտային հետազօտութիւնների ընթացքում.
-Ուսումնասիրուել են տեղական բնակչութեան աւանդական նուագարանները,
գտեսագրուել են աւանդական երգերն ու պարերը,
-Տեսագրուել եւ/կամ գրի են առնուել վիպական բանարուեստի տեսակների (առասպել, հեքիաթ, աւանդազրոյց, գուշակութիւն, անէծք եւ օրհնանք, աղօթք եւ այլն) մի շարք նմուշներ,
-Տեսագրուել եւ/կամ գրի են առնուել էթնիկ ոչ նիւթական մշակութային ժառանգութեան այլ դրսեւորումներ:
Գիտարշաւն իրականացուել է Ֆրանսիայի Ռոն-ալպ շրջանի իշխանութիւնների եւ ,ֆինեկոէ կազմակերպութեան (http://www.fineco.fr) ֆինանսական աջակցութեամբ, ինչպէս նաեւ թուրքական «Անադոլու կուլտուր» հիմնադրամի կազմակերպչական օժանդակութեամբ:
«Երկիր» միութեան կողմից իրականացուող «Վան» նախագծի հիմնական նպատակներն են.
-Հայաստանի Հանրապետութեան սահմաններից դուրս` Հայկական բարձրաւանդակի եւ Սեւծովեան աւազանի տարածքում ապրող ծագումով հայ բնակչութեան մօտ բնիկ ինքնութեան պահպանմանը նպաստելը,
-Հայկական բարձրաւանդակի եւ Սեւծովեան աւազանի տարածքում ապրող էթնիկ խմբերի եւ Հայաստանի բնակչութեան միջեւ միջմշակութային կապերի հաստատումն ու զարգացումը, համատեղ արտայայտուելու հնարաւորութիւնների ստեղծումը,
-Հայկական բարձրաւանդակի եւ Սեւծովեան աւազանի աւանդական երաժշտութեան եւ ոչ նիւթական մշակութային ժառանգութեան այլ ճիւղերի ուսումնասիրութիւնը, դրանում առկայ հայկական շերտի վերհանումը,
-Հայկական բարձրաւանդակի եւ Սեւծովեան աւազանի տարածքի հայկական աւանդական ժառանգութեան ներկայացմանն ու պրոպագանդմանն ուղղուած միջոցառումների իրականացումը: