«Վաչագան Բարեպաշտ» մեդալով է պարգեւատրուել Հայաստանի սամբոյի ֆեդերացիայի նախագահ Լեւոն Հայրապետեանը
02-09-2011 12:47:02 | Հայաստան | Սպորտ
ԼՂՀ անկախութեան 20-րդ տարեդարձի կապակցութեամբ սեպտեմբերի 1-ին տեղի ունեցած տօնական միջոցառումների ընթացքում Արցախեան գոյապայքարում ակտիւ մասնակցութեան եւ Լղհ-ում սպորտի զարգացման գործում ունեցած աւանդի համար «Վաչագան Բարեպաշտ» մեդալով է պարգեւատրուել Հայաստանի սամբոյի ֆեդերացիայի նախագահ, Սամբոյի եւ ձիւդոյի օլիմպիական մանկապատանեկան մարզադպրոցի հիմնադիր եւ ղեկավար Լեւոն Հայրապետեանը:
Յիշեցնենք, որ մարզադպրոցի Ստեփանակերտի մասնաճիւղը գործում է դեռեւս 1990 թուականից, որի մանկավարժներն ու սաները ոչ միայն իրենց գործուն մասնկակցութիւնն են ունեցել Արցախի անկախութեան կերտման գործում, այլեւ մարզական մեծ յաջողութիւններ արձանագրել միջազգային մրցասպարէզներում` նուաճելով նաեւ Եւրոպայի եւ Աշխարհի չեմպիոնների կոչումներ: