ՀՀ կրթութեան եւ գիտութեան նախարարութեան նախաձեռնութեամբ սեպտեմբերի 19-ին մեկնարկել է լրացուցիչ եւ շարունակական կրթութեանը նուիրուած համաժողով` Եւրոպական «թայեքսե ծրագրի շրջանակում: Համաժողովին մասնակցել են ՀՀ կրթութեան եւ գիտութեան նախարարի տեղակալներ Մանուկ Մկրտչեանն ու Կ'արինէ Յարութիւնեանը, Հայաստանում Եւրոպական Յանձնաժողովի, պետական եւ ոչ պետական բարձրագոյն ուսումնական հաստատութիւնների, քոլեջների, ուսումնարանների եւ հասարակական կազմակերպութիւնների ներկայացուցիչներ: Համաժողովի ընթացքում արտերկրից հրաւիրուած փորձագէտները ներկայացրել են այս ոլորտի միջազգային փորձը, մասնաւորապէս անդրադարձ է եղել Լեհաստանի, Չեխիայի եւ Իսպանիայի լրացուցիչ ու շարունակական կրթութեան համակարգերին, օրէնսդրական դաշտին եւ մոդուլեային կրթութեանը: Ելոյթ ունեցողները կարեւորել են լրացուցիչ եւ շարունակական կրթութեան անհրաժեշտութիւնը, շեշտելով, որ այն պայմանաւորուած է տնտեսական համակարգի, ըստ այդմ նաեւ աշխատաշուկայի պահանջարկի փոփոխութեամբ:

---