Համաներմամբ դատապարտեալների ազատ արձակման, ինչպէս նաեւ պատժաչափը կրճատելու գործընթացը շարունակւում է
06-06-2011 13:32:54 | Հայաստան | Քաղաքական
Հայաստանի Հանրապետութեան արդարադատութեան նախարարութեան քրէակատարողական ծառայութիւնում ս.թ. մայիսի 27-ից սկսուել է Հայաստանի Հանրապետութեան անկախութեան հռչակման 20-րդ տարեդարձի կապակցութեամբ յայտարարուած համաներմամբ դատապարտեալներին ազատ արձակելու, ինչպէս նաեւ պատժաչափի կրճատման գործընթացը:
Յունիսի 5-ի դրութեամբ, ՀՀ ԱՆ քրէակատարողական հիմնարկներից ազատ են արձակուել թուով 400 դատապարտեալ, միաժամանակ կրճատուել է 7 դատապարտեալի պատժաչափը:
Համաներմամբ ազատ արձակուած եւ պատժաչափը կրճատուած դատապարտեալների քանակը ներկայացւում է ըստ քրէակատարողական հիմնարկների.
«Նուբարաշեն» - ազատ է արձակուել 43-ը,
«Էրեբունի» - ազատ է արձակուել 91-ը,
«Վարդաշեն» - ազատ է արձակուել 30-ը, կրճատում 1,
«Դատապարտեալների հիւանդանոց» - ազատ է արձակուել 24-ը, կրճատում 3,
«Երեւան Կենտրոն» - 0 (ազատ արձակման ենթակայ դատապարտեալներ չկան),
«Արթիկ» - ազատ է արձակուել 42-ը,
«Վանաձոր» - ազատ է արձակուել 14-ը,
«Սեւան» - ազատ է արձակուել 48-ը,
«Հրազդան» - ազատ է արձակուել 19-ը,
«Աբովեան» - ազատ է արձակուել 1-ը, կրճատում 3,
«Գորիս»է -ազատ է արձակուել 11-ը,
«Կոշ» - ազատ է արձակուել 77-ը:
Համաներմամբ դատապարտեալների ազատ արձակման, ինչպէս նաեւ պատժաչափը կրճատելու գործընթացը շարունակւում է: Քրէակատարողական վարչութեան հասարակայնութեան հետ կապերի բաժանմունքը պարբերաբար տեղեկութիւններ կը տրամադրի հանրութեանը ազատ արձակուած դատապարտեալների եւ պատժաչապի կրճատումների քանակի վերաբերեալ: