Մարմարա Նախարարաց Խորհուրդը վերականգնեց հայ-թրքական հաշտութեան փրոթոքոլները, որոնք շաբաթներ առաջ Խորհրդարանի օրակարգէն ինկած էին, խորհրդարանի նոր դահլիճի ձեւաւորման լոյսին տակ։ Խորհուրդը որոշեց այս փաստաթուղթերը վերադարձնել Խորհրդարան։ Յիշեցնենք որ Փրոթոքոլները անվաւեր հռչակուած էին նոր գումարման Խորհրդարանէ ներս, քանի որ բոլոր այն օրինագիծերը, որոնք չեն հաստատուիր եւ կեանքի չեն կոչուիր նախորդ գումարման Խորհրդարանի կողմէ, անվաւեր կը ճանչցուին նոր Խորհրդարանէ ներս։ Այնուհանդերձ, Նախարարաց Խորհուրդն ու երեսփոխանները լիազօրուած են անվաւեր հռչակուած օրինագիծերը կրկին օրակարգի բերելու։

---