Հայաստանի Մայքրոսոֆթ ինովացիոն կենտրոնի(MIC) ղեկավար Եւայ Հիւսեանը կը ներկայացնի Հայաստանը Հարաւային եւ Արեւելեան Եւրոպայի Տեղեկատուական եւ Հեռահաղորդակցութեան Տեխնոլոգիաների Ֆորում (SEE ICT Forum) կառոյցի Ինովացիոն եւ Գերազանցութեան Կենտրոնների գործունէութեանը նուիրուած հանդիպմանը: հհ Էկոնոմիկայի նախարարութեան, Ձեռնարկութիւնների ինկուբատոր հիմնադրամի, ԱՄՆ միջազգային զարգացման գործակալութեան, Հայաստանի պետական ճարտարագիտական համալսարանի եւ Մայքրոսոֆթ ընկերութեան համատեղ ջանքերով ստեղծուած Մայքրոսոֆթ ինովացիոն կենտրոնը առանձնանում է նմանատիպ կառոյցներից ոլորտի եւ տեղական շուկայի հետ փոխկապակցմամբ, կրթական ծրագրերի մէջ ներգրաւմամբ եւ կարողութիւնների զարգացմանն ուղղուած թիրախային ծրագրերով: Կենտրոնը հանդէս է գալիս իբրեւ պետական եւ մասնաւոր հատուածների, ինչպէս նաեւ միջազգային դոնոր կազմակերպութիւնների համագործակցութեան յաջող օրինակ: աւելին` Հայաստանի Մայրոսոֆթ ինովացիոն կենտրոնը բաւարար ներուժ ունի իր գործունէութեան շրջանակը տարածաշրջանում ընդլայնելու համար, ինչը կը նպաստի Հայաստանի` իբրեւ ինովացիայի խթանման տարածաշրջանային կենտրոնի կերպարի ամրապնդմանը: հայկական յաջող փորձի ուսումնասիրութիւնը կարեւոր է հանդիպման մասնակից այլ երկրների համար, որոնք նոյնպէս մտադիր էն ինովացիոն գործունէութիւնը խթանող կենտրոններ բացել: SEE ICT Forum-ը միաւորում է Հարաւային եւ Արեւելեան Եւրոպայի երկրների տեղեկատուական եւ հեռահաղորդակցութեան ոլորտի միութիւնները, դոնոր կազմակերպութիւնները եւ հետազօտական կառոյցները: 2009 թուականից` ֆորումին միանալուց ի վեր, Հայաստանը կառոյցում ներկայացնում էն Ինֆորմացիոն Տեխնոլոգիաների Ձեռնարկութիւնների Միութիւնը(ԻՏՁՄ) եւ Նորք տեղեկատվաւերլուծական կենտրոնը: ԻՏՁՄ նաեւ համակարգել է Jobfinder, Essential Solutions, CHS Vericel Service հայկական ընկերութիւնների մասնակցութիւնը կառոյցի միջոցառումներին: 2010 թուականին կառոյցի մէջ ներգրաւուած մի շարք երկրների ներկայացուցիչներ այցելեցին ԻՏՁՄ կողմից կազմակերպուող Digitec Business Ֆորումին: յատկանշական է, որ, գնահատելով ԻՏՁՄ մեծ փորձը ոլորտի զարգացման եւ միջոցառումների կառավարման ասպարէզում, 2010 թուականին ԻՏՁՄ ներկայացուցիչն ընտրուեց SEE ICT Forum խորհրդի անդամ` ստանձնելով տուեալ կառուցի շրջանակներում հարաւային եւ արեւելեան Եւրոպայի ՏՀՏ ոլորտի զարգացման եւ միջոցառումների կառավարման գործառոյթները: նախատեսւում է, որ SEE ICT Forum կառոյցի յաջորդ հանդիպումներից մէկը կը կազմակերպուի Հայաստանում, գալիք Digitec Business Ֆորում միջոցառման շրջանակներում`2012 թուականի մայիս-յունիս ամիսներին:

---