ԼՂ-ում տեղակայված թուրք-ռուսական համատեղ մոնիտորինգի կենտրոնը դադարեցրել է իր գործունեությունը
26-04-2024 11:53:19 | Հայաստան | Ի՞նչ է գրում մամուլը
Հայկական ժամանակ. Աղդամում (Ակնա) տեղակայված թուրք-ռուսական համատեղ մոնիտորինգային կենտրոնը դադարեցրել է իր գործունեությունը:
Ադրբեջանի պաշտպանության նախարարությունն այս կապակցությամբ կազմակերպել է հանդիսավոր արարողություն, որին, ադրբեջանական ԶԼՄ-ների փոխանցմամբ, մասնակցել են ՊՆ գլխավոր շտաբի պետ, գեներալ-գնդապետ Քերիմ Վելիևը, Թուրքիայի ազգային պաշտպանության նախարարության ցամաքային զորքերի գլխավոր շտաբի պետ Լևենթ Էրգյունը, Ռուսաստանի պաշտպանության նախարարության գլխավոր շտաբի պետի տեղակալ Սերգեյ Իստրակովը, ինչպես նաև Ադրբեջանում Ռուսաստանի և Թուրքիայի դեսպանները, ռուսական խաղաղապահ կոնտինգենտի ղեկավարը։
Արարողությունը սկսվել է երեք երկրների պետական օրհներգերի հնչեցմամբ։
Ավելի վաղ հայտնել էինք, որ օրեր առաջ սկսվել է Լեռնային Ղարաբաղում տեղակայված ռուսական խաղաղապահ կոնտինգենտի դուրսբերման գործընթացը։
ՀԱՅԵՐԵՆ
Русский
English
Դաս. հայերեն
French
