Հոկտեմբերի 19-ին տեղի կունենա «Արտերիա» մշակութային քննադատական կայքի շնորհանդեսը
17-10-2011 19:14:30 | Հայաստան | Մշակույթ
Հոկտեմբերի 19-ին (ժամը 15–ին) Խնկո Ապոր ազգային մանկական գրադարանում տեղի կունենա «Արտերիա» մշակութային քննադատական կայքի շնորհանդեսը: Կայք-ամսագիրը ստեղծվել է «Հայ Գրքի Կենտրոն» մշակութային ՀԿ-ի կողմից Եվրասիա համագործակցության հիմնադրամի եւ Շվեդիայի միջազգային զարգացման գործակալության (SIDA) աջակցությամբ:
Կայքի ստեղծման նպատակն է աշխուժացնել մշակութային դաշտը` քննադատական դիսկուրսի ներմուծման միջոցով: Մշակութային անցուդարցի իրազեկման հետ մեկտեղ, կայքը վերլուծությունների եւ գրախոսականների միջոցով, հանրությանը հնարավորություն է ընձեռում հաղոր¬դակցվելու միմյանց հետ բարձրարժեք ստեղծագործություննե¬րի առիթով: Արվեստի ու մշակույթի գործիչների համախմբմամբ, ակտիվ մշակութային ռեֆլեքսիայի միջոցով, ի մի բերելով ոլորտի բոլոր շահագրգիռ ուժերին` նպատակ է դրվում կայացնել մեզանում առողջ քննադատական միտքը:
Կայքի շնորհանդեսը անցկացվում է «ԴԱՐՁ ԱՌ ԳԻՐՔ» գրքարվեստի ամենամյա փառատոնի շրջանակներում: Շնորհանդեսին ներկա կգտնվեն կայքի հետ համագործակցող անվանի մտավորականներ, հեղինակներ եւ ակտիվ ընթերցողներ: