Հայաստանի Պառլամենտարիզմի կենտրոն /ՀՊԱԿ/ Հասարակական կազմակերպությունը այսօր տարածել է մի հաղորդագրություն, որտեղ հղելով «Զինապարտության մասին» ՀՀ օրենքի 30-րդ հոդվածի 4-րդ մասի պահանջների ցանկանում է տեղեկանալ Երեւանի նոր քաղաքապետ Տարոն Մարգարյանի զինվորական ծառայության վերաբերյալ: Հաղորդագրության հեղինակները պնդում են, որ Երեւանի ավագանին առ այսօր այդ մասին որեւէ տեղեկատվություն չի հայտարարել եւ հույս են հայտնում, որ «իրավական եւ արդարացի այդ քայլը կարվի, գոնե, քաղաքապետի երդման արարողության ժամանակ»:

---