Արթուր Բաղդասարյանն ընդունել է Հայաստանի Հանրապետությունում Չինաստանի Ժողովրդական Հանրապետության դեսպան Թիան Չանգչունին
27-05-2011 13:24:09 | Հայաստան | Քաղաքական
Մայիսի 27-ին ԱԱԽ քարտուղար Արթուր Բաղդասարյանն ընդունել է Հայաստանի Հանրապետությունում Չինաստանի Ժողովրդական Հանրապետության դեսպան Թիան Չանգչունին:
Կողմերն իրենց գոհունակություն են հայտնել դիվանագիտական հարաբերությունների հաստատումից ի վեր ակտիվորեն ծավալված հայ-չինական երկկողմ համագործակցության ընթացքի վերաբերյալ: Արթուր Բաղդասարյանն ընդգծել է գլոբալ անվտանգության տարբեր ոլորտներում հայ-չինական երկխոսության խթանման կարեւորությունը, ինչպես նաեւ Հայաստանի համար ռազմավարական նշանակություն ունեցող ծրագրերի իրականացման գործում համագործակցության հետագա խորացման անհրաժեշտությունը: Դեսպանն իր հերթին նշել է, որ Չինաստանի Ժողովրդական Հանրապետությունը շահագրգռված է Հայաստանի հետ երկկողմ համագործակցության խորացմամբ եւ շարունակելու է ըստ ամենայնի աջակցել հայ-չինական գործակցության զարգացմանը երկկողմ հետաքրքրություն ներկայացնող տարբեր ոլորտներում: Այս մասին «ՆՏ»-ին հայտնեցին ԱԱԽ մամուլի գրասենյակից։