Վարդան Օսկանյանը հանդիպեց Շվեդիայից ժամանած պատվիրակության հետ
28-03-2012 13:57:18 | Հայաստան | Քաղաքական
Մարտի 28-ին Վարդան Օսկանյանն ընդունեց Շվեդիայից ժամանած պատվիրակությանը, որը գլխավորում էր Շվեդիայի արտաքին գործերի նախարարության քաղաքական հարցերի վարչության պետ Բյորն Լիրվակը: Հանդիպմանը ներկա էր Հայաստանում Շվեդիայի դեսպան Դիանա Յանսենը:
Վարդան Օսկանյանի գրասենյակից տեղեկացնում են, որ զրույցի հիմնական թեմաներն էին Հայաստանի ներքաղաքական իրավիճակը եւ գալիք խորհրդարանական ընտրությունները, Լեռնային Ղարաբաղի հիմնախնդիրը: Շվեդ հյուրերին հետաքրքրում էին նաեւ տարածաշրջանային վերջին զարգացումները, հատկապես իրադարձությունները Սիրիայում, Իրանում եւ Ռուսաստանում եւ դրանց հնարավոր ազդեցությունը Հայաստանի քաղաքական եւ տնտեսական կյանքի վրա: