Երեւանի քաղաքապետ Տարոն Մարգարյանի հանձնարարությամբ հենաշարժողական խնդիրներ ունեցող բնակիչների համար մայրաքաղաքի փողոցները, ինչպես նաեւ բնակելի եւ հանրային օգտագործման շենքերը հարմարավետ դարձնելու նպատակով այսուհետ հաստատման ներկայացված շինարարական բոլոր նախագծերում, որպես պարտադիր նորմ, պետք է ներառվեն նաեւ թեքահարթակներ: Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, որ քաղաքապետի հանձնարարականն, ի դեպ, վերաբերում է նաեւ նախորդ տարիներին շինթույլտվություն ստացած, բայց դեռեւս անավարտ շինարարություններին:

---