Համագործակցություն` 2 տարվա հակամարտությունից հետո
12-11-2012 19:02:01 | ԱՄՆ | Ֆինանսներ
HTC-ն համագործակցության համաձայնագիր է կնքել Apple ընկերության հետ: Այս մասին հայտնել է CNEWS լրատվականը: Պայմանագիրը կնքվել է 10 տարով եւ թույլ կտա երկու ընկերություններին փոխանակվել տեխնոլոգիաներով, առանց մեկը մյուսին դատական հայց ներկայացնելու:
Համաձայնագրի շրջանակներում կողմերը հրաժարվել են պատենտների հետ կապված փոխադարձ պահանջներից:
Նշենք, որ համաձայնագիրը կնքելու մասին լուրի տարածվելուց հետո HTC ընկերության ակցիաները գինն աճեց 6.9%-ով, հասնելով 241.5 թայվանական դոլարի մեկ հատի համար:
Հիշեցնենք, որ 2010թ.-ի մարտին Apple-ը մեղադրանք էր ներկայացրել HTC ընկերությանը բջջային տեխնոլոգիաների 20 պատենտ խախտելու համար: Երկու ամիս անց HTC-ն հակադարձ հայց է ներկայացրել: