Հայաստանի բռնցքամարտի ազգային ֆեդերացիան հայտ է ներկայացնելու օլիմպիական վարկանիշ ունեցող միջազգային մրցաշարի կազմակերպման համար
07-12-2012 14:45:17 | Հայաստան | Սպորտ
Հայաստանի բռնցքամարտի ֆեդերացիայի նախագահ Արման Մանուկյանը դեկտեմբերի 7-ին լրագրողների հետ հանդիպման ժամանակ տեղեկացրեց, որ Հայաստանի բռնցքամարտի ազգային ֆեդերացիան, բռնցքամարտի աշխարհի երիտասարդական առաջնությունից հետո, կնախապարաստվի օլիմպիական վարկանիշ ունեցող միջազգային մրցաշարի կազմակերպմանը: «Ուզում եմ հիմա պաշտոնապես հայտնել, որ մենք հայտ ենք ներկայացնելու միջազգային վարկանիշային մրցաշար անցկացնելու համար»,-ասաց նա:
Խոսելով մեր մարզիկների ելույթների մասին, Արման Մանուկյանը նշեց, որ «Աշխարհի երիտասարդական առաջնությունում մեր մարզիկներից ավելին էր պահաջվում, սակայն նրանց ցուցադրած արդյունքը, կարելի է բավարար գնահատել»:
ԱԻԲԱ-ի նախագահ Չինգ Քոու Վուն, ով ներկա է լինելու աշխարհի առաջնության եզրափակիչ մենամարտերին նշեց, որ անձամբ է հանդիպել եւ զրուցել Ադրբեջանի հավաքականի անդամների եւ նրանց պատվիրակության ներկայացուցիչների հետ: «Նրանք գոհ են թե կազմակերպած աշխարհի առաջնությունից, եւ թե Հայաստանում իրենց հանդեպ վերաբերմունքից: Ինքս զրուցել եմ նրանց հետ եւ պետք է ասեմ, որ նրանք ոչ մի դժգոհություն չեն հայտնել: Իրենց անունից շնորհակալություն եմ հայտնում Հայաստանին ու հայերին ջերմ ընդունելության եւ ջերմ վերաբերմունքի համար»:
Նշենք, որ այսօր ռինգ դուրս կգան 10 քաշային կարգեր ներկայացնող բռնցքամարտիկներ, այդ թվում` Հայաստանի 81 կգ քաշային կարգի ներկայացուցիչ Նիկոլ Հարութունովը:
ՀԱՅԵՐԵՆ
Русский
English
Դաս. հայերեն
French
