Նորամուծությունները հայկական հեռուստատեսությունում
20-03-2013 16:42:25 | Հայաստան | Հարցազրույցներ
Խորհրդային շրջանի, ինչպես նաև այսօրվա հայկական հեռուստատեսության մասին «Նոյյան Տապանի» հարցերին է պատասխանում Վանաձորի <<Միգ>>` նախկինում <<Ինտերկապ>>, հեռուստառադիոընկերության տնօրեն Սամվել Հարությունյանը
Ինչպիսին էր Խորհրդային շրջանի հեռուստատեսությունը, ի՞նչպես սկսեցիք աշխատել այս բնագավառում:
Հեռուստատեսության բնագավառում սկսել եմ աշխատել 1989 թվականից,նախ որպես կաբելային հեռուստատեսության տնօրեն: Դա խորհրդային տարիների վերջն էր: Այդ ժամանակ մենք ոչ մի կապ չունեինք պետական մարմինների հետ,մենք սեփականատիրական հեռուստաընկերություն էինք: Մեր հեռուստաընկերության հիմնական զարգացումները տեղի ունեցան Անկախ Հայաստանի կայացումից ի վեր: Կաբելային հեռուստատեսությամբ այն ժամանակ հեռարձակվում էին ոչ միայն ֆիլմեր,այլ նաև զանազան զվարճալի տեսաերիզների հեռուստանյութեր, սեփական լրատվական հաղորդումներ:
Ձեր կարծիքով Սովետական հեռուստատեսությունը ռուսակա՞ն ձեռագրով էր, թե՞ մենք ունեինք մեր սեփական ձեռագիրը:
Սովետական կարգերի ժամանակ Հայաստանում գործում էին երկու ռուսական`կենտրոնական առաջին և երկրորդ ալիքները: Հայկական հեռուստատեսությունը բնականաբար ունեցել է իր սեփական ձեռագիրը,սակայն խորհրդային ժամանակներում մի քիչ դժվար էր ինքնուրույն ինչ-որ քայլեր անել և աշխատեցնել հեռուստաընկերությունը:Այն ժամանակ կային ֆեդերալ կարգավիճակով ընդհանուր պահանջներ,որոնց համադրմամբ գործում էր հայկական հեռուստատեսությունը,բայց մշակույթային առումով այն մի քանի անգամ գերազանցում էր մնացած այլ երկրներում գործող առաջին ալիքներին : Խորհրդային տարիներին մեր հեռուստաընկերությունն ուներ բավականին մեծ պրոֆեսիոնալ անձնակազմ,տարբերվում էր իր կազմակերպած տարաբնույթ հաղորդումներով.լիներ դա մարզական,մշակույթային,լրատվական,մանկական հաղորդում:
Դուք շուրջ 24 տարի աշխատում եք այս բնագավառում: Ձեզ համարո՞ւմ եք պրոֆեսիոնալ:
-Ես կարող եմ ընդամենն ասել, որ ես պրոֆեսիոնալ եմ իմ` որպես հեռուստառադիո մենեջեր-կազմակերպիչ - կառավարիչ բնագավառում:Պրոֆեսիոնալ լինելն այս բնագավառում չի նշանակում,որ պետք է պրոֆեսիոնալ լրագրող կամ խմբագիր լինես:Ես ընդամենը հեռուստատեսության ղեկավարն եմ,ով այս տարիների ընթացքում մասնակցել է տարբեր սեմինարների,դասընթացների, որոնք կազմակերպվել են Ռուսաստանում,ԱՄՆ-ում,Վրաստանում,Ֆրանսիայում և ուրիշ այլ երկրներում:Ինչպես նաև մասնակցել եմ Հայաստանում կազմակերպվող բազում դասընթացների,սեմինարների,որոնց միջոցով կարողացել եմ բարձրացնել իմ մասնագիտական որակավորումը որպես հեռուստառադիոընկերության կառավարիչ:
Այսօր դուք նայում եք մեր երկրի հեռուստաընկերությունների եթերները, ձեզ դու՞ր է գալիս մեր հեռուստաեթերը , ի՞նչն է դուր գալիս , իսկ ինչը՝ ոչ: Ի՝նչու:
Միշտ էլ հետևել եմ հայաստանյան հեռուստաընկերությունների եթերներին: Ընդհանուր առմամբ դուր է գալիս մեր հեռուստաեթերը,նկատելի աճ է նկատվում , իհարկե դեպի լավը: Մեր հեռուստաընկերությունները բավականին առաջ են գնացել, զարգացել թե տեխնիկապես, թե մասնագետների առումով: Եկեք հիշենք ի՞նչ հեռուստաընկերություններ էին գործում շուրջ 10 տարի առաջ և համեմատենք հիմա գործող հեռուստաընկերությունների հետ . ահռելի աճ կնկատենք:Նույնիսկ հայաստանյան չորս հեռուստաընկերություններ արբանյակային կապով հեռարձակվում են աշխարհի տարբեր երկրներում : Համաշխարհային հեռուստաընկերությունների շարքում ունեն իրենց ուրույն տեղը,դերը նշանակությունը, նաև հասու են դարձել արբանյակային կապի և օնլայն ռեժիմի միջոցով:Այդպես նրանք հասանելի են դառնում ոչ միայն Հայաստանում բնակվողների համար ,այլ նաև ամբողջ աշխարհի բնակիչների համար: Իսկ ինչ մնում է այն հարցին, թե ի՞նչն է ինձ դուր գալիս, ի՞նչը`ոչ,ես կարող եմ ասել,որ ինձ դուր է գալիս այն ,որ մեր չորս հեռուստաընկերությունները կարողանում են իրենց եթերները սփռել աշխարհի տարբեր երկրներում:Հայկական հեռուստաընկերությունների դինամիկ զարգացման մեջ գրեթե բան չկա ,որ ինձ դուր չգա,եթե ժողովրդին ինչ-որ հաղորդում դուր չի գալիս դա չի նշանակում,որ տվյալ հեռուստաընկերությունը վատն է:
Իսկ կարող եք ասել մեր հեռուստատեսությունում ի՞նչն են խտրականապես մերժում:
-Իմ կարծիքով հայաստանյան հեռուստաընկերություններում վերջին տարիների ընթացքում ոչինչ կտրականապես չի մերժվում:Հաղորդումները այնքան բազմազան ու բազմաժանր են,որ մերժում ինչ-որ տեսանկյունից չի նկատվում: Ցուցադրվում են լրատվական հաղորդումներ, քննարկվում են տարբեր թեմաներ և տնտեսության,և իրավաբանության ,և առողջապահության,և սոցիալ- տնտեսության մասին,ինչպես նաև ցուցադրվում են զվարճալի ժամանցային հաղորդումներ, թոք-շոուներ և այլն:
Մի քանի տարի առաջ ի՞նչ լավ բան ուներ մեր հեռուստատեսությունը, ինչն այսօր էլ չկա, կամ ի՞նչ կա այսօր, որն այն ժամանակ չկար:
Մի քանի տարի առաջ մեր հեռուստաեթերներում շատ կդիտեիր հայրենական արտադրության ֆիլմեր,որը լավ արդյունքներ էր գրանցում ,դրական ազդեցություն էր թողնում մեր երիտասարդ հեռուստադիտողների վրա: Այսօր մեկ-երկու հեռուստաընկերություններով կհանդիպես հայրենական արտադրության ֆիլմերի:Դա է շատ ցավալի,որ տարիների ընթացքում դա մոնոպոլացվել է,այսինքն ինչ-որ աճուրդի են դրվել այդ ֆիլմերը,գնորդներ են հայտնվել,սեփականաշնորհել և առաջ են եկել հեղինակային իրավունքներ:
Այսօր շատ խրախուսելի է հեռուստաշարերի հայտնվելը մեր եթերում,որոնք սերիալների տեսքով են հանդես գալիս ,դա կարծում եմ մեծացնում է մեր սերը դեպի կինո, թատրոն,ի վերջո լավ դերասաններ են հայտնվում:Քանակի առումով օր օրի դերասանների թիվը ավելանում է,իսկ որակի առումով շատ քչերին է հաջողվում առաջ գնալ,բայց դա ժամանակի հարց է,մի քանի տարի հետո քանակը իր հետ կապահովի նաև որակ:
-Իսկ այսօր ի՞նչ նորամուծություններ կան Ձեր հեռուստաընկերությունում:
-Մեր եթերով այսօր հեռարձակվում են տարաբնույթ հաղորդումներ,հաղորդաշարեր, տեղական լրատվական հաղորդումներ ,ֆիլմեր: Հաղորդումները հիմնականում ուղեկցվում են թոք-շոուների միջոցով:Հարցազրույցի և ինտերակտիվ կապի միջոցով ապահովվում է հեռուստա կամ ռադիո ամբիոն մեր քաղաքի բնակչությանը հետաքրքրող որևէ ոլորտի պատասխանատու անձի հետ և բնակիչը լայն հնարավորություն է ունենում իր քաղաքի,իր բնակավայրի շուրջ տեղի ունեցող բոլոր իրադարձություններին ցանոթանալ և ստանալ իրեն հուզող բոլոր հարցերի պատասխանները: Մենք այժմ աշխատում ենք նաև օնլայն ռեժիմով,,մեր բոլոր հաղորդումները մարդիկ կարողանում են դիտել նաև ինտերնետով:
-Համագործակցու՞մ եք արդյոք այլ հեռուստաընկերությունների հետ:
-Իհարկե համագործակցում ենք: Համագործակցում ենք ինչպես մայրաքաղաքի, այնպես էլ մարզային մի շարք հեռուստաընկերությունների հետ: Համագործակցում ենք Ալավերդիում,Արմավիրում,Գորիսում,Գյումրիում գործող հեռուստաընկերությունների հետ,ինչպես նաև մայրաքաղաքում գործող <<Շանթ>>, <<Հ1>>, <<հ2>>, <<Արմենիա>> հեռուստաընկերությունների հետ: Ունենք նաև ծրագրային փոխանակությունների պայմանագիր <<Երկիր Մեդիա>> հեռուստաընկերության հետ : Այդ հաղորդումները նախ ձայնագրվում և հետո հեռարձակվում են մեր եթերում: