ՀԲ-ն պատրաստակամ է շարունակել աշխատանքները Երեւանի
քաղաքապետարանի հետ
16-02-2011 19:54:00 | Հայաստան | Տնտեսություն
ԵՐԵՎԱՆ, 16 ՓԵՏՐՎԱՐԻ, ՆՈՅՅԱՆ ՏԱՊԱՆ: Համաշխարհային Բանկի
վարկավորմամբ իրականացվող ջրամատակարարման եւ ջրահեռացման ծրագրի
հետ կապված հիմնախնդիրներ են քննարկվել Երեւանի քաղաքապետ Կարեն
Կարապետյանի եւ Համաշխարհային Բանկի ջրամատակարարման եւ
ջրահեռացման ծրագրի թիմի ղեկավար Ահմեդ Էյվեյդայի փետրվարի 16-ի
հանդիպմանը:
Կարեւորելով պետություն-մասնավոր հատված համագործակցության
մոդելի ձեւավորումը, Կ.Կարապետյանը ներկայացրել է քաղաքային
տնտեսության այն ոլորտները, որոնք բիզնես հետաքրքրություն են
ներկայացնում: Ներդրումային ծրագրերի իրականացման մասով քաղաքապետն
առանձնացրել է աղբահանության, տրանսպորտի եւ առողջապահության
բնագավառները: Նա ընդգծել է, որ այս պարագայում քաղաքային բյուջեի
հիմնական մասն արդեն կուղղվի սոցիալական եւ բարեկարգման ծրագրերին:
Ինչպես «ՆՏ»-ին հայտնեցին Երեւանի քաղաքապետարանի
Տեղեկատվության եւ հասարակայնության հետ կապերի վարչությունից,
Ա.Էյվեյդան իր հերթին նշել է, որ ՀԲ-ը պատրաստակամ է շարունակել
աշխատանքները քաղաքապետարանի հետ եւ աջակցել փորձի փոխանակման
ծրագրերում: