ԷՋՄԻԱԾԻՆ, 11 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 14-ին, Տյառնընդառաջի տոնին, Հայաստանյայց Առաքելական Սուրբ Եկեղեցու բոլոր եկեղեցիներում Սուրբ Պատարագից հետո կկատարվի նորապսակների օրհնության կարգ: Ինչպես նշվում է Մայր Աթոռ Սբ. Էջմիածնի Տեղեկատվական համակարգի հաղորդագրությունում, Տյառնընդառաջը նորապսակների օրհնության օր է հռչակվել Գարեգին Բ Ծայրագույն Պատրիարք եւ Ամենայն Հայոց Կաթողիկոսի օրհնությամբ: Մայր Աթոռ Սբ. Էջմիածնում Սբ. Պատարագը կսկսվի ժամը 10.30-ին:

---