ԵՐԵՎԱՆ, 10 ՓԵՏՐՎԱՐԻ, ՆՈՅՅԱՆ ՏԱՊԱՆ: ՀՀ կառավարության փետրվարի 10-ի նիստում, որը վարել է վարչապետ Տիգրան Սարգսյանը, գործադիրն իր նախկին որոշումներից մեկում կատարել է լրացումներ եւ փոփոխություններ, որոնց նպատակն է Հայաստանի բնակչությանը մատուցվող բժշկական ծառայությունների հնարավորինս համապատասխանեցումը միջազգային ժամանակակից չափանիշներին: Ակնկալվում է, որ որոշման ընդունմամբ կստեղծվեն հիվանդությունների առավել արդյունավետ կանխարգելման, հիվանդների ժամանակին հայտնաբերման, ինչպես նաեւ մասնագիտական բժշկական օգնության ցուցաբերման լավ պայմաններ:

---