Երևանում կկայանա այկիդոյի միջազգային սեմինար` Այկիդո Այկիկայ միջազգային ֆեդերացիայի գլխավոր քարտուղար Խոմբո Դոջոյի շիխան 7-րդ դան Շիգերու Սուգավարայի ղեկավարությամբ
Երևանում կկայանա այկիդոյի միջազգային սեմինար` Այկիդո Այկիկայ միջազգային ֆեդերացիայի գլխավոր քարտուղար Խոմբո Դոջոյի շիխան 7-րդ դան Շիգերու Սուգավարայի ղեկավարությամբ
18-06-2013 12:31:33 | Հայաստան | Սպորտ
Հարգելի Գործընկեր, ս.թ. հունիսի 21-23-ը Երևանի «Դինամո» մարզադահլիճում կանցկացվի Հայաստանի Այկիդո Այկիկայ ֆեդերացիայի կողմից կազմակերպված այկիդոյի միջազգային սեմինար` Այկիդո Այկիկայ Խոմբո Դոջոյի շիխան 7-րդ դան Շիգերու Սուգավարայի ղեկավարությամբ: Սեմինարին մասնակցելու են Վրաստանից, Ղազախստանից ժամանած մարզիկներ, ինչպես նաև` Ռուսաստանի Դաշնության տարբեր մարզերի Այկիդո Այկիկայ ֆեդերացիաների նախագահներ և նրանց սաները: Պարապմունքները անցկացվելու են ժամը 10:00-12:00 -ը և 18:00 - 20:00-ը:
Իսկ հունիսի 23-ին, ժամը 19:00-ին «Դինամո» մարզադահլիճում ցուցադրական ելույթներով հանդես կգան Հայաստանի Այկիդո Այկիկայ ֆեդերացիայի տարբեր տարիքային խմբերի սաները, մարզիչները և Վրաստանի, Ղազախստանի, Ռուսաստանի Դաշնության ներկայացուցիչները: Ցուցադրական ելույթին կհաջորդի պարգևատրման հանդիսավոր արարողությունը, որի ժամանակ շիխան Շիգերու Սուգավարան Հայաստանի Այկիդո Այկիկայ ֆեդերացիային կհանձնի Այկիդո Այկիկայ Միջազգային ֆեդերացիային Հայաստանի անդամակցությունը հավաստիացնող դիպլոմ:
Միջոցառման մուտքն ազատ է: Բոլոր լրատվամիջոցներին հրավիրում ենք ներկա գտնվելու և լուսաբանելու այն: Հարցերի դեպքում դիմել Հայաստանի Այկիդո Այկիկայ ֆեդերացիայի փոխնախագահ Արմեն Խոջայանին, հեռ.` 093- 97- 22- 13:
ՀԱՅԵՐԵՆ
Русский
English
Դաս. հայերեն
French
