ԱՐՄԵՆԱԼ գործարանը գերազանցեց տարեկան 27 հազար տոննա արտադրանքի ցուցանիշը
18-02-2014 13:55:29 | Հայաստան | Տնտեսություն
Երևանի փայլաթիթեղագլանման ԱՐՄԵՆԱԼ գործարանը (մտնում է ալյումինի աշխարհում խոշորագույն արտադրող ՌՈՒՍԱԼ ընկերության կազմի մեջ) թողարկեց 27 719 տոննա արտադրանք, որը 5,5% ավելի է, քան 2012 թ. (26 264 տ):
Սպառողներին առաքվել է 27 609 տոննա ալյումինի փայլաթիթեղ (աճը` 4,9%): Ձեռնարկությունը բեռնել է ավելի քան 1600 արտահանման պատվերներ գրեթե 20 երկրներ: Հաշվետու տարվա արդյունքներով մեկ աշխատողին բաժին ընկնող արտադրանքն աճել է 6,2%, պատրաստի արտադրանքի թողարկման գործակիցը` 6,8%, իսկ արտաքին խոտանը նվազել է 2 անգամ:
Ինչպես վկայում է Հայաստանի խոշորագույն ընկերությունների հաշվետվությունների վերլուծությունը, որը կատարվում է ՀՀ պետական եկամուտների կոմիտեի կողմից, ԱՐՄԵՆԱԼ-ը կայուն դասվում է առավել բարեխիղճ հարկատուների և արդյունավետ արտահանողների թվին: 2013 թ. գործարանը պետբյուջե մուծել է 1,8 մլրդ դրամ` հարկային մուծումներն ավելացնելով գրեթե 10%:
Արտադրական ցուցանիշների աճն ուղեկցվում է աշխատավարձի աճով: Ներկայումս ԱՐՄԵՆԱԼ-ում աշխատում է շուրջ 700 մարդ, որոնց ամսական միջին աշխատավարձը 2013 թ. կազմում էր 335 հազար դրամից ավելի, ինչը 2,2 անգամ գերազանցում է հայաստանյան միջին աշխատավարձը:
ՀԱՅԵՐԵՆ
Русский
English
Դաս. հայերեն
French
