Կես դար առաջ լույս տեսած <<Գործարար Ամերիկա>> գրքից տեղեկացանք, որ մեր <<Բոլորը մեկի համար, մեկը՝ բոլորի>> սկզբունքին ամերիկացիները հակադրում են <<Բոլորը մեկի համար, Աստված՝ բոլորի համար>>-ը:
Այդ սառը պատերազմի և սպառազինությունների մրցավազքի տարիների սկզբունքներին սոցիալիզմի համակարգը չդիմացավ, փլուզվեց և առաջացան անկախ երկրներ, աշխարհի բաժանման նոր գծեր, նոր տնտեսական ու քաղաքական համակարգեր:
Մյուս կողմից ԽՍՀՄ-ԱՄՆ նախկին երկբևեռ աշխարհը դարձավ բազմաբևեռ՝ ի դեմս Եվրոմիության, Ռուսաստանի Դաշնության, Ամերիկայի Միացյալ Նահանգների, Չինաստանի և մյուսների: Եթե ընդունենք, որ սկսված Գլոբալիզացիայի (համաշխարհացման) արդյունքում կարող է ստեղծվել համաշխարհային կառավարություն, ապա առավել ևս հասարակական պահանջ է առաջանում օրինաստեղծ կազմակերպություններին առաջարկել, իսկ եթե հնարավոր է, օրենքի ուժով ստիպել հրաժարվելու առկա այն սխալ սկզբունքից, ըստ որի անհատի իրավունքները գերակշռող են համարվում հասարակության իրավունքներից:
ներկայումս գործող սկզբունքը, որով նախատեսվում է անհատի իրավունքների գերակայությունը՝ հասարակության իրավունքների համեմատությամբ, պատճառ է դարձել բազմաթիվ երկրներում ընդունելու հակաիրավական օրենքներ, ինչպես նաև չընդունելու հասարակական մեծ պահանջարկ ունեցող օրենքներ, օրինակ,
- հոգեկան խանգարումով մեկը կարող է մի քանի մարդ անպատիժ սպանել,
- ի՞նչ է նշանակում, 12-ակի հանցագործ: Մեր կարծիքով, մարդը կարող է առաջին անգամ հանցագործությունը կատարել չիմացության արդյունքում, երկրորդ անգամ՝ պատահաբար կամ ուրիշի ազդեցությամբ, իսկ երրորդ անգամից պետք է վերջնական, ցմահ մեկուսացնել հասարակությունից:
- վաղուց ժամանակն է նաև վերանայել հանցագործություն կատարած պատանիներին պատասխանատվության ենթարկելու հետ կապված տարիքային եւ այլ պայմանները:
- Պետք է վերանայել նաեւ դատավորների ցմահ պաշտոնավարման սկզբունքը եւ այլն:
Ինչևէ, գիտակցելով, թե ինչ վտանգավոր գործընթացներով է ուղեկցվելու գլոբալիզացիան, այնուամենայնիվ, սրտանց ցանկանում ենք, իսկ հայերիս անունից կասեի՝ երազում ենք արդարացի, սոցիալական, իրավական ու ժողովրդավարական համաշխարհային կառավարություն:
ՀԱՅԵՐԵՆ
Русский
English
Դաս. հայերեն
French
