Մարտի 17-19-ին Հայաստան կայցելի Սլովակիայի արտաքին գործերի
նախարար Միրոսլավ Լայչակը
16-03-2010 17:02:00 | Հայաստան | Քաղաքական
ԵՐԵՎԱՆ, 16 ՄԱՐՏԻ, ՆՈՅՅԱՆ ՏԱՊԱՆ: ՀՀ ԱԳ նախարար Էդվարդ
Նալբանդյանի հրավերով մարտի 17-19-ին պաշտոնական այցով Հայաստան
կայցելի Սլովակիայի արտաքին գործերի նախարար Միրոսլավ Լայչակը:
Այցի ընթացքում նախատեսված են հանդիպումներ ՀՀ նախագահ Սերժ
Սարգսյանի, վարչապետ Տիգրան Սարգսյանի եւ արտգործնախարար Էդվարդ
Նալբանդյանի հետ, մասնակցություն հայ-սլովակյան գործարար
համաժողովի բացման արարողությանը:
Ինչպես «ՆՏ»-ին հայտնեցին ՀՀ ԱԳՆ Մամուլի եւ տեղեկատվության
վարչությունից, Է.Նալբանդյանի եւ Մ.Լայչակի հանդիպումը տեղի
կունենա մարտի 18-ին: Հանդիպումից հետո նախարարները կստորագրեն
Օդային հաղորդակցությունների մասին համաձայնագիր եւ Փոխըմբռնման
հուշագիր եվրոպական ինտեգրման բնագավառում:
Ստորագրման արարողությունից անմիջապես հետո ԱԳՆ-ի ասուլիսների
սրահում տեղի կունենա արտգործնախարարների համատեղ մամուլի
ասուլիսը: