Ապօրինաշինությունը բացառելու նպատակով հանձնարարվել է շարունակել ուժեղացված հսկողությունը
13-04-2015 16:18:23 | Հայաստան | Տնտեսություն
Քաղաքաշինության և հողօգտագործման ոլորտում իրականացվող ամենօրյա հսկողության արդյունքում նախորդ շաբաթ արձանագրվել է իրավախախտման 12 դեպք: Բացի այդ, թվով հինգ հասցեներում կատարվել են ապօրինի շինությունների քանդման աշխատանքներ: Այս մասին զեկուցվել է Երևանի քաղաքապետարանում հրավիրված աշխատանքային հերթական խորհրդակցությանը: Քաղաքապետ Տարոն Մարգարյանը հանձնարարել է շարունակել ուժեղացված հսկողությունը՝ ապօրինաշինությունն առհասարակ բացառելու նպատակով:
Զեկուցվել է, որ վարչական շրջաններում իրականացվում են խոտհունձի, ծառերի կրապատման և Երևանի ավագանու որոշմամբ պարտադիր բարեկարգման այլ աշխատանքներ: Նշվել է նաև, որ տնտեսվարողների կողմից իրականացվող աշխատանքները վերահսկվում են պատասխանատուների կողմից կազմակերպվող շրջայցերի միջոցով: Ընդհանուր օգտագործման կանաչ տարածքների խնամքի պատշաճ ապահովման նպատակով քաղաքապետը հանձնարարել է առավել ակտիվացնել աշխատանքները՝ ներգրավելով նոր աշխատակիցների:
ՀԱՅԵՐԵՆ
Русский
English
Դաս. հայերեն
French
