Արցախում քննարկվել են ականազերծման գործընթացին վերաբերող հարցեր
02-11-2015 12:59:08 | Արցախ (ԼՂՀ) | Մամլո հաղորդագրություն
Արցախի Հանրապետության Նախագահ Բակո Սահակյանը նոյեմբերի 2-ին ընդունել է “Landmine Free Artsakh Campaign” նախաձեռնության ղեկավար Օջենի Փանոսյանին եւ “HALO Trust” կազմապերպության Հայաստանի ու Արցախի ծրագրերի ղեկավար Յուրի Շահրամանյանին:
Հանդիպմանը քննարկվել են Արցախում ականազերծման գործընթացին վերաբերող հարցեր:
Նախագահ Սահակյանն ընդգծել է, որ “HALO Trust” կազմապերպությունը կարեւորագույն առաքելություն է իրականացնում մեր հանրապետությունում՝ հավելելով, որ “Landmine Free Artsakh Campaign” նախաձեռնության գործուն մասնակցությունն ականազերծման աշխատանքներում պահանջված է ու անհրաժեշտ: Այս մասին «ՆՏ»-ին հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից: