WADA-ն զեկուցել է ռուս թեթևատլետների կողմից դոպինգ օգտագործելու մասին
10-11-2015 13:55:05 | Ռուսաստան | Սպորտ
Միջազգային օլիմպիական կոմիտեն ցնցված է Համաշխարհային հակադոպինգային գործակալության (WADA) անկախ հանձնաժողովի զեկուցից, ըստ որի` Ռուսաստանի թեթև ատլետները դոպինգ են օգտագործում:
Այս մասին գրում է gazeta.ru-ն` վկայակոչելով ՄՕԿ-ի պաշտոնական կայքին:
«Զեկույցը խորապես ապշեցնող է, և շատ տխուր համաշխարհային սպորտի համար: ՄՕԿ-ը հուսով է, որ թեթև ատլետների միջազգային ֆեդերացիայի (IAAF) նոր կազմը Սեբաստիան Կոուի գլխավորությամբ կանի բոլոր անհրաժեշտ եզրակացությունները: ՄՕԿ-ը ողջունում է IAAF-ի մտադրությունը` անել ամեն հնարավորը մարզիկներին դոպինգից հեռու պահելու և սպորտի նկատմամբ վստահությունը վերականգնելու համար»,- ասված է ՄՕԿ-ի պաշտոնական կայքում:
Տեղեկացվում է նաև, որ ՄՕԿ-ը շատ ուշադիր կերպով ուսումնասիրում է Օլիմպիական խաղերին վերաբերող զեկույցը: Եթե հակադոպինգային կանոնների ինչ-որ խախտումներ նկատվեն սպորտսմենների կամ նրանց մերձավորների կողմից, այդ ժամանակ ՄՕԿ-ը համապատասխան քայլեր կձեռնարկի և ոչ մի զիջումների չի գնա:
ՀԱՅԵՐԵՆ
Русский
English
Դաս. հայերեն
French
