ԱՄՆ-ն և Ֆրանսիան ուժեղացնելու են ԻՊ-ի դեմ ուղղված ռմբակոծությունները

16-11-2015 13:55:42 | ԱՄՆ | Քաղաքական

ԱՄՆ-ի և Ֆրանսիայի իշխանությունները մտադիր են համատեղ ակտիվացնել Սիրիայում և Իրաքում «Իսլամական պետություն» (ԻՊ) ահաբեկչական խմբավորման դիրքերին ուղղված օդային հարվածները: Ինչպես տեղեկացնում է lenta.ru-ն` վկայակոչելով Անթալիայում կայացած Մեծ քսանյակի գագաթնաժողովում ԱՄՆ-ի Ազգային անվտանգության հարցերով նախագահի խորհրդականի տեղակալ Բեն Ռոդսի հայտարարությանը, ԻՊ-ի ահաբեկիչները առաջիկայում հասկանալու են, որ նրանց համար անվտանգ ապաստարան չի մնացել:

Նա նշել է, որ ԱՄՆ-ն Ֆրանսիայի հետ ուս ուսի տված պայքարելու է ահաբեկչությունների դեմ:

Հիշեցնենք, որ Փարիզում և Սեն-Դենի արվարձանում նոյեմբերի 14-ին մի շարք ահաբեկչական հարձակումներ էին տեղի ունեցել, որոնց արդյունքում զոհվել էր 129-ը, վիրավորվել` 352 մարդ:

Ահաբեկչական հարձակումների պատասխանատվությունն իր վրա է վերցրել «Իսլամական պետություն» խմբավորումը:

Ֆրանսիան, որպես միջազգային կոալիցիայի անդամ, ԱՄՆ-ի գլխավորությամբ նախորդ տարվանից ավիահարվածներ է հասցնում Իրաքում «ԻՊ»-ի դրիքերի վրա, իսկ այս տարվանից` Սիրիայում:

Նշենք նաև, որ «Իսլամական պետությունը» 2014 թվականի ամռանը գրավել է Սիրիայի և Իրաքի զգալի մասը և այնտեղ խալիֆայություն հռչակել:

Ի լրումն 59 երկրից բաղկացած միջազգային կոալիցիայի , ահաբեկիչների դեմ պայքար են մղում արաբական երկու երկրների պետական իշխանությունները, սիրիական ընդդիմությունը, քրդական ոստիկանությունը և ռուսական ավիացիան:

Նոյյան տապան - Քաղաքական

Կարդացել են 720 անգամ

https://s1.merlive.am/Noian_Tapan/embed.html?autoplay=false&play

ԱՄՆ-ն և Ֆրանսիան ուժեղացնելու են ԻՊ-ի դեմ ուղղված ռմբակոծությունները

Noyan Tapan TV