Մոսկվան սկսել է С-300 հրթիռային համակարգերի առաքումը Թեհրան
23-11-2015 17:06:50 | Ռուսաստան | Քաղաքական
Ռուսաստանում Իրանի դեսպանը հայտարարել է, որ Մոսկվան սկսել է ռուսական С-300 հրթիռային համակարգերի առաքումը Թեհրան: Այս մասին տեղեկացնում է gazeta.ru-ն` վկայակոչելով Reuters-ին:
Ավելի վաղ, Իրանի Պաշտպանության նախարար Հոսեյն Դեղհանը հայտարարել էր, որ Իրանն ակնկալում է С-300 ռուսական հրթիռային համակարգեր ստանալ մինչև տարվա վերջ:
Նրա խոսքերով` Թեհրանը նախատեսում է մատակարարումների մեծ մասը ստանալ առաջիկա երկու ամիսների ընթացքում:
Հ. Դեղհանը նշել է, որ Իրանը ձեռք է բերել անհրաժեշտ քանակությամբ С-300 համակարգեր: